ដើម្បីជំរុញការលក់ផលិតផលរបស់ខ្លួនម្ចាស់អាជីវកម្មកាន់តែច្រើនបានផ្លាស់ប្តូរឥរិយាបថនៃការលក់ទៅតាមទម្លាប់ចាស់របស់ខ្លួន ដែលធ្លាប់តែលក់តែម្នាក់ឯងមកប្រមូលផ្តុំគ្នាតាមរយៈការចូលរួមក្នុងបណ្តាញ BNI Unique ដែលត្រូវបានគេស្គាល់ថា ជាបញ្ដាញ អាជីវកម្មអន្តរជាតិ ដែលជាបណ្ដុំជំនួនទៅដោយម្ចាស់អាជីវកម្មទាំងអស់គ្រប់ស្ថាប័ននៅក្នុងប្រទេសកម្ពុជា។
ជាក់ស្តែងមានម្ចាស់អាជីវកម្មប្រមាណជា ៥០នាក់បានមកជួបជុំគ្នាក្នុងកម្មវិធីពិសសប្រចាំឆ្នាំរបស់ BNI Unique ដែលមានឈ្មោះថា Mega Visitor’s Day នៅព្រឹកថ្ងៃទី២៦ខែមិថុនាឆ្នាំ ២០២៣នេះ។
កញ្ញា ជ័យ រតនា អ្នកគ្រប់គ្រងទូទៅ Clinic កែសម្ភស្ស Gangwhoo បានបង្ហាញសុទិដ្ឋិនិយមក្រោយពេលបានចូលរួមនៅក្នុងកម្មវិធីពិសសប្រចាំឆ្នាំរបស់ BNI Unique ជាលើកដំបូងថា៖ «ក្រោយពេលបានចូលរួមស្ដាប់ និងបានស្តាប់ការធ្វើបងទបង្ហាញរបស់តំណាង BNI Unique កញ្ញាយល់ថា កម្មវិធីនេះល្អ សម្រាប់ម្ចាស់អាជីវកម្មមួយ ដែលត្រូវមានទំនាក់ទំនង់ជាមួយម្ចាស់អាជីវកម្មដទៃទៀត ដើម្បីពង្រីកការផ្សព្វផ្សាយផលិតផលរបស់ខ្លួន»។
កញ្ញា ជ័យ រតនា បានបន្ថែមថា ក្រោយពេលបានស្តាប់បទពិសោធន៍របស់សមាជិតម្ចាស់អាជីវកម្មនៅក្នុងកម្មវិធីនេះរួចមក ធ្វើឲ្យកញ្ញាបានស្គាល់ និងមានទំនុកចិត្ត ដោយសារនៅទីនេះគឺជាបណ្តាញដែលប្រមូលផ្តុំទៅដោយម្ចាស់សេវាកម្មផ្សេងៗ។
កញ្ញា បន្ថែមថា បន្ទាប់ពីចូលរួមក្នុងវិធីជួបជុំដែលរៀបចំឡើងដោយ BNI Unique នៅថ្ងៃនេះ កញ្ញាបានសម្រេចចិត្ត ៥០%រួចហើយថា នឹងចូលរួម និងត្រៀមពិភាក្សាជាមួយក្រុមការងាររបស់កញ្ញាព្យាយាមចូលជាសមាជិតរបស់បណ្តាញនេះឲ្យបានលឿនបំផុត ដើម្បីផលប្រយោជន៍សម្រាប់ក្រុមហ៊ុន និងបង្កើនចំណេះដឹងខ្លួនឯង។
ចំណែក កញ្ញា ពេជ្រ គីរ៉ា ម្ចាស់អាជីវកម្ម Det Dam Media Solution ដែលទើបក្លាយខ្លួនទៅជាសមាជិករបស់ BNI Unique បានលើកឡើងថា៖«ពីដំបូងកញ្ញាបានស្គាល់ BNI តាមរយ:ការណែនាំពីបងប្រុសរបស់ខ្លួន។កញ្ញាអះអាងថា បន្ទាប់ពីបានចូលរួមលើកទីមួយកញ្ញាបានដឹងថា នៅទីនេះគឺជាបណ្ដុំម្ចាស់អាជីវកម្មមួយដែលផ្ដល់ឱកាសឲ្យម្ចាស់អាជីវកម្មផ្សេងៗ បានចូលរួមផ្សព្វផ្សាយផលិតផលរបស់ខ្លួន ក៏ដូចជាជំរុញការលក់ នៅក្នុងបណ្ដាញមួយដែលមិនមែនមានតែនៅក្នុងប្រទេសកម្ពុជានោះទេ តែនៅជុំវិញពិភព។ដោយសារមើលឃើញនូវអត្ថប្រយោជន៍ទាំងនេះហើយ ទើបកញ្ញាសម្រេចចិត្តចូលរួមជាសមាជិករបស់ BNI Unique»។
កញ្ញា បន្តថា កញ្ញាមានក្ដីរំពឹងខ្ពស់នៅពេលចូលជាសមាជិក BNI Unique ដោយសារនៅទីនេះពោរពេញទៅដោយម្ចាស់អាជីវកម្មធំៗ លើសពីនេះក៏មានឱកាសបានជួបម្ចាស់អាជីវកម្មនៅបណ្ដាលប្រទេសផ្សេងទៀត ដែលឱកាសនេះនឹងធ្វើឲ្យកញ្ញាកាន់តែទទួលបានចំណេះដឹង បទពិសោធន៍ថ្មី។
ក្នុងកម្មវិធីពិសសប្រចាំឆ្នាំរបស់ BNI Unique ដែលមានឈ្មោះថា Mega Visitor’s Day លោក អេរិច- Eric នាយកគ្រប់គ្រងហិរញ្ញវត្ថុរបស់ BNI Unique បានលើកឡើងថា៖ «BNI គឺ ជាបញ្ដាញ អាជីវកម្មអន្តរជាតិ ដែលជាបណ្ដុំជំនួនទៅដោយម្ចាស់អាជីវកម្មទាំងអស់គ្រប់ស្ថាប័ននៅក្នុងប្រទេសកម្ពុជា លើសពីនេះសមាជិកបណ្តាញក៏មានឱកាសជួបម្ចាស់អាជីវកម្មនៅជុំវិញពិភពលោក ដែលជាសមាជិតរបស់ BNIថែមទៀត»។
លោក អេរិច- Eric បន្ថែមថា៖ «សមាជិកក៏ដូចជាម្ចាស់អាជីវកម្ម តែងតែចង់ដឹងថា BNI ជាអ្វី ? ពេលចូលជាសមាជិត BNI ហើយ នឹងទទួលអ្វីខ្លះមកត្រឡប់មកវិញ? ជាការឆ្លើយតបទៅនឹងសំណួរនេះ លោក អេរិច- Eric បានពន្យល់ថា BNI បានផ្ដល់ប្រយោជន៍ជាច្រើនទៅដល់សមាជិកដែលជាម្ចាស់អាជីវកម្ម ចាប់ពីតូចរហូតដល់ធំ ដើម្បីធ្វើទំនាក់ទំនងជាមួយសមាជិកដែលជាម្ចាសា់អាជីវកម្មដូចគ្នា ណែនាំឲ្យទទួលបានអតិថិជននៅក្នុងបណ្ដាញរបស់ BNI ពីមួយទៅមួយកាន់តែទូលំទូលាយជាងមុន។ BNI មានក្រុមដែលខ្លាំង សមាជិកខ្លាំង និងជួយគ្នាទៅវិញទៅមកដើម្បីរុញអាជីវកម្មឲ្យកាន់តែរីកចម្រើន»។
កម្មវិធីពិសសប្រចាំឆ្នាំរបស់ BNI Unique ដែលមានឈ្មោះថា Mega Visitor’s Day មានក្រុមសមាជិកដែលជាអ្នកជំនួយនៅកម្ពុជា ប្រមាណជា ៥០នាក់បានជួបជុំគ្នានៅព្រឹកថ្ងៃទី២៦ ខែមិថុនា ឆ្នាំ២០២៣។ កម្មវិធីនេះ មានការអញ្ជើញចូលរួមពីអ្នកជំនួញ និងម្ចាស់អាជីវកម្មថ្មីៗ ដើម្បីកសាងទំនាក់ទំនងជាសកលរួមគ្នា ក៏ដូចជាចែករំលែកបទពិសោធន៍ នៅក្នុងការសែ្វងរក និងណែនាំអតិថិជន ឲ្យគ្នាទៅវិញទៅមក បានស្គាល់ពីផលិតផលរបស់សមាជិរបស់ BNI Unique៕
