ក្រុមជម្រើសជាតិនារីអាយុក្រោម១៩ឆ្នាំកម្ពុជា បានបន្តយកឈ្នះទីម័រខាងកើត ក្នុងលទ្ធផល ១-០ នៅល្ងាចថ្ងៃទី៧ ខែកក្កដា ឆ្នាំ២០២៣ ក្នុងពានរង្វាន់បាល់ទាត់នារី AFF U19 Women’s Championship 2023 នៅកីឡដ្ឋាន Gelora Sriwijaya ក្នុងទីក្រុង Palembang ប្រទេឥណ្ឌូនេស៊ី។
ដូចនេះក្រុមជម្រើសជាតិកម្ពុជាអាយុក្រោម ១៩ឆ្នាំ នឹងបន្តជួបក្រុមជម្រើសជាតិនារីឥណ្ឌូនេស៊ី នៅកីឡដ្ឋាន Gelora Sriwijaya ទីក្រុម Palembang។
គួររំលឹកថា កីឡាការិនី ឈិត សាភឿន បានរងរបួសបាក់ឆ្អឹងស្លាបប្រជៀវស្មាខាងឆ្វេង ក្រោយស៊ុតបញ្ចូលទី២គ្រាប់ ជួយឲ្យក្រុមជម្រើសជាតិនារីអាយុក្រោម១៩ឆ្នាំទទួលជ័យជំនះលើក្រុមជម្រើសជាតិនារីឡាវកាលពីថ្ងៃទី៦ ខែកក្តដា ឆ្នាំ២០២៣ ក្រោយពីបានវះកាត់ទទួលបានជោគជ័យ ពេលនេះរូបនាងកំពុងសម្រាកព្យាបាលរបួស។
ក្រុមជម្រើសជាតិនារីអាយុក្រោម១៩ឆ្នាំ កម្ពុជា ស្ថិតនៅក្នុងពូល A ជាមួយម្ចាស់ផ្ទះ ឥណ្ឌូនេស៊ី, ឡាវ និងទីម័រ ខាងកើត ក្នុងការប្រកួតពានរង្វាន់បាល់ទាត់នារី AFF U19 Women’s Championship 2023 ដែលប្រកួតចាប់ផ្តើមប្រកួតពីថ្ងៃទី៥ រហូតដល់ថ្ងៃទី១៥ ខែកក្កដា ឆ្នាំ២០២៣៕