ពានរង្វាន់ប្រចាំទ្វីបអាមេរិកខាងជើង (CONCACAF Gold Cup) ឆ្នាំ ២០២៣ បានរកឃើញក្រុមដែលត្រូវជួបគ្នានៅផ្ដាច់ព្រ័ត្រហើយ គឺម៉ិកស៊ិក ប៉ះប៉ាណាម៉ា នៅថ្ងៃទី១៧ ខែកក្កដា វេលាម៉ោង ៦:៣០នាទីព្រឹក នៅកីឡដ្ឋាន SoFi Stadium។
លទ្ធផលប្រកួតវគ្គពាក់កណ្តាលផ្តាច់ព្រ័ត្រ នៅថ្ងៃទី១៣ ខែកក្កដា នេះ៖
- ហ្សាម៉ាអ៊ីក ០-៣ ម៉ិកស៊ិក នៅកីឡដ្ឋាន Snapdragon
- អាមេរិក ១-១ ប៉េណាំងទី( ៤-៥)ប៉ាណាម៉ា នៅកីឡដ្ឋាន Allegiant
ព្រឹត្តិការណ៍ពានរង្វាន់ប្រចាំទ្វីបអាមេរិកខាងជើង (CONCACAF Gold Cup) ឆ្នាំ ២០២៣ ដែលសហរដ្ឋអាមេរិក និងកាណាដា ទទួលរៀបចំធ្វើជាសហម្ចាស់ផ្ទះ ចាប់ផ្ដើមប្រកួតពីថ្ងៃទី២៤ ខែមិថុនា ដល់ថ្ងៃទី ១៧ ខែកក្កដា ឆ្នាំ២០២៣។
គួរបញ្ជាក់ថា ពានរង្វាន់ CONCACAF Gold Cup បង្កើតឡើងដំបូងនៅឆ្នាំ ១៩៩១ បច្ចុប្បន្នមានអាយុកាល ៣២ឆ្នាំ ខណ:ប្រទេសម៉ិកស៊ិក ឈ្នះពាននេះច្រើនជាងគេសរុប ៨លើក តាមពីក្រោយដោយ អាមេរិក ៧លើក៕