ក្រុមជម្រើសជាតិម៉ិកស៊ិក បានក្លាយជាម្ចាស់ជើងឯក នៃពានរង្វាន់ប្រចាំទ្វីបអាមេរិកខាងជើង (CONCACAF Gold Cup) ឆ្នាំ២០២៣ ក្រោយឈ្នះប៉ាណាម៉ា នៅវគ្គផ្តាច់ព្រ័ត្រ ក្នុងលទ្ធផល ១-០ នាព្រឹកថ្ងៃទី១៧ ខែកក្កដា នៅកីឡដ្ឋាន SoFi Stadium។
១គ្រាប់ជ័យជម្នះរបស់ក្រុមជម្រើសជាតិម៉ិកស៊ិក ស៊ុតបញ្ចូលទីដោយកីឡាករ Santiago Giménez នៅនាទី៨៨’។
ព្រឹត្តិការណ៍ពានរង្វាន់ប្រចាំទ្វីបអាមេរិកខាងជើង (CONCACAF Gold Cup) ឆ្នាំ ២០២៣ ដែលសហរដ្ឋអាមេរិក និងកាណាដា ទទួលរៀបចំធ្វើជាសហម្ចាស់ផ្ទះ ចាប់ផ្ដើមប្រកួតពីថ្ងៃទី២៤ ខែមិថុនា ដល់ថ្ងៃទី ១៧ ខែកក្កដា ឆ្នាំ២០២៣។
គួរបញ្ជាក់ថា ពានរង្វាន់ CONCACAF Gold Cup បង្កើតឡើងដំបូងនៅឆ្នាំ ១៩៩១ បច្ចុប្បន្នមានអាយុកាល ៣២ឆ្នាំ ខណ:ប្រទេសម៉ិកស៊ិក ឈ្នះពាននេះច្រើនជាងគេសរុប ៩លើក តាមពីក្រោយដោយ អាមេរិក ៧លើក៕
