សហព័ន្ធកីឡាបាល់ទះកម្ពុជា នៅព្រឹកថ្ងៃទី២៦ កក្កដានេះ បានបើកវគ្គបណ្តុះបណ្ដាលគ្រូបង្វឹកកីឡាបាល់ទះកម្រិត (គ ឬ C) ឆ្នាំ២០២៣។ កម្មវិធីនេះមានការអញ្ជើញចូលរួមជាអធិបតី ឯកឧត្តម ប៊ូ ជុំសេរី អនុរដ្ឋលេខាធិការ ក្រសួងអប់រំ យុវជន និងកីឡា តំណាង ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា លោក លោកស្រី ប្រធាន អនុប្រធាននៃស្ថាប័ននានាចំណុះអគ្គនាយកដ្ឋានកីឡា។
លោកបណ្ឌិត អាំង សិរីពិសិដ្ឋ អគ្គលេខាធិការ សហព័ន្ធកីឡាបាល់ទះកម្ពុជា បានលើកឡើងថា ការរៀបចំវគ្គវគ្គបណ្តុះបណ្ដាលគ្រូបង្វឹកកីឡាបាល់ទះកម្រិត (គ ឬ C) ឆ្នាំ២០២៣ មានអាជ្ញាកណ្ដាល និងគ្រូបង្វឹករបស់សហព័ន្ធកីឡាបាល់ទះកម្ពុជា ដែលទទួលបានការបណ្ដុះបណ្ដាលកន្លងមក ទាំងកម្រិតជាតិ និងអន្តរជាតិ នាពេលបច្ចុប្បន្នមាន៖
១. អាជ្ញាកណ្ដាល សរុបចំនួន ២៤០រូប (ស្រី ២៨រូប) ក្នុងនោះ៖
- កម្រិតអន្តរជាតិ ចំនួន ៣រូប (ស្រី ០រូប)
- កម្រិតជាតិ (ខឬB) ចំនួន ២៥រូប (ស្រី ៥រូប)
- កម្រិតជាតិ (គឬC) ចំនួន ២១២រូប (ស្រី ២៣រូប)
២. គ្រូបង្វឹកសរុប ៥២រូប (ស្រី ១រូប)
- កម្រិតជាតិ (ខឬB) ចំនួន ២០រូប (ស្រី ១រូប)
- កម្រិតជាតិ (គឬC) ចំនួន ៣២រូប (ស្រី ០រូប) ។
លោកបណ្ឌិត អាំង សិរីពិសិដ្ឋ បានបន្ថែមថា ថ្ងៃនេះ សហព័ន្ធបានបន្តបើវគ្គបណ្ដុះបណ្ដាលគ្រូបង្វឹកកម្រិត គឬC ដែលការបណ្ដុះបណ្ដាលមានរយៈពេល ៦ថ្ងៃ ចាប់ពីថ្ងៃទី២៦ ដល់ទី៣១ ខែកក្កដា ឆ្នាំ២០២៣ ដោយមានសិក្ខាកាមចូលរួមមកពី វិទ្យាស្ថានជាតិអប់រំកាយ និងកីឡា-នាយកដ្ឋានរៀបចំ និងគ្រប់គ្រងព្រឹត្តិការណ៍កីឡា-សមាគម និងក្លិបកីឡាបាល់ទះចំនួន ២២មាន៖
- នាយកដ្ឋានរៀបចំ និងព្រឹត្តិការណ៍កីឡា ចំនួន ២(ពីរ)រូប
- វិទ្យាស្ថានជាតិអប់រំកាយ និងកីឡា ចំនួន ២(ពីរ)រូប
- សមាគមកីឡាបាល់ទះក្រសួងមហាផ្ទៃ ចំនួន ២(ពីរ)រូប
- សមាគមកីឡាបាល់ទះវិសាខា ចំនួន ២(ពីរ)រូប
- ក្លិបកីឡាបាល់ទះរដ្ឋបាលរាជធានីភ្នំពេញ ចំនួន ២(ពីរ)រូប
- ក្លិបកីឡាបាល់ទះស្នងការដ្ឋាននគរបាលខេត្តកំពត ចំនួន ២(ពីរ)រូប
- ក្លិបកីឡាបាល់ទះស្នងការដ្ឋាននគរបាលខេត្តព្រះសីហនុ ចំនួន ២(ពីរ)រូប
- ក្លិបកីឡាបាល់ទះស្នងការដ្ឋាននគរបាលខេត្តស្វាយរៀង ចំនួន២(ពីរ)រូប
- ក្លិបកីឡាបាល់ទះស្នងការដ្ឋាននគរបាលខេត្តឧត្តរមានជ័យចំនួន២(ពីរ)រូប
- ក្លិបកីឡាបាល់ទះស្នងការដ្ឋាននគរបាលខេត្តកែប ចំនួន ២(ពីរ)រូប
- ក្លិបកីឡាបាល់ទះស្នងការដ្ឋាននគរបាលខេត្តប៉ៃលិន ចំនួន ២(ពីរ)រូប
- ក្លិបកីឡាបាល់ទះតាឌីខេត្តព្រះវិហារ ចំនួន ២(ពីរ)រូប
- ក្លិបកីឡាបាល់ទះកងពលធំអន្តរាគមន៍លេខ៣ ចំនួន១(មួយ)រូប
- ក្លិបកីឡាបាល់ទះស្នងការដ្ឋាននគបាលខេត្តបាត់ដំបង ចំនួន២(ពីរ)រូប
- ក្លិបកីឡាបាល់ទះស្នងការដ្ឋាននគបាលខេត្តត្បូងឃ្មុំ ចំនួន២(ពីរ)រូប
- សមាគមកីឡាបាល់ទះខេត្តសៀមរាប ចំនួន១(មួយ)រូប
- ក្លិបកីឡាបាល់ទះស្នងការដ្ឋាននគបាលខេត្តតាកែវ ចំនួន២(ពីរ)រូប
- ក្លិបកីឡាបាល់ទះស្នងការដ្ឋាននគរបាលខេត្តកំពង់ចាម ចំនួន២(ពីរ)រូប
- ក្លិបកីឡាបាល់ទះស្នងការដ្ឋាននគរបាលខេត្តកំពង់ឆ្នាំង ចំនួន២(ពីរ)រូប
- ក្លិបកីឡាបាល់ទះរិទ្ធីសែនខេត្តរតនគិរី ចំនួន២(ពីរ)រូប
- ក្លិបកីឡាបាល់ទះស្នងការដ្ឋាននគរបាលខេត្តកណ្ដាល ចំនួន២(ពីរ)រូប
- មន្ទីរអប់រំ យុវជន និងកីឡាខេត្តបាត់ដំបង ចំនួន១(មួយ)រូប
*សរុបចំនួន ៤១រូប ស្រីចំនួន ៣រូប
លោកបណ្ឌិត អាំង សិរីពិសិដ្ឋ បានបន្តថា ជាទូទៅសិក្ខាកាមនៅក្នុងវគ្គនេះ ជាគ្រូបង្វឹក គ្រូជំនួយ និងជាមន្ត្រី នៅក្នុងសមាគម និងក្លិប ដែលបានចុះបញ្ជីក្នុងសហព័ន្ធកីឡាបាល់ទះកម្ពុជា និង មាន មួយចំនួនជាមន្រ្តីរដ្ឋបាល។ ខណ:កម្មវិធីនៃវគ្គបណ្ដុះបណ្ដាលបង្វឹកកីឡាបាល់ទះកម្រិត (គ ឬ C) រួមមាន៖ ១. អំពីកន្លែង និងបរិក្ខា ២. អ្នកចូលរួមប្រកួត ៣. របៀបនៃការប្រកួត ៤. សកម្មភាពទាំងឡាយនៃការប្រកួត ៥. ការបញ្ឈប់ការប្រកួត និងពន្យាពេល ៦. អ្នកការពារឯករាជ្យ (Libero) ៧. ការប្រព្រឹត្តិរបស់អ្នកចូលរួមប្រកួត ៨. ការអនុវត្តជាក់ស្ដែង ៩. ការប្រឡង និង ១០. កម្មវិធីសិក្សារបស់លោកគ្រូជាជនជាតិគុយបា
គួរបញ្ជាក់ថា ចំពោះគ្រូឧទ្ទេសនៅក្នុងវគ្គបណ្ដុះបណ្ដាលនេះ គឺជាគ្រូជំនួយជម្រើសជាតិកីឡាបាល់ទះ(ជនជាតិគុយបា) និងមានការចូលរួមពីមន្ត្រីបច្ចេក ទេសរបស់សហព័ន្ធកីឡាបាល់ទះកម្ពុជា ដែលជាអ្នកធ្វើបទបង្ហាញលើផ្នែកទ្រឹស្តី និងអនុវត្តផ្ទាល់លើទីលាននៅពហុកីឡដ្ឋានជាតិអូឡាំពិក រាជធានីភ្នំពេញ ចំពោះការរៀបចំវគ្គនេះមានការឧបត្ថម្ភដោយក្រសួង អប់រំ យុវជន និងកីឡាតាមរយៈនាយកដ្ឋានអប់រំកាយ និងកីឡា។សិក្ខាកាមដែលបានសិក្សាពេញតាមកម្មវិធី នឹងទទួលបានវិញ្ញាបនបត្របញ្ជាក់ការសិក្សាដែលផ្ដល់ជូនដោយសហព័ន្ធកីឡាបាល់ទះកម្ពុជា៕
