ពានរង្វាន់ 2023 FIVB Volleyball Women’s Challenger Cup កំពុងរៀបចំនៅនៅទីក្រុង Laval ប្រទេសបារាំង ស្របពេលដែលក្រុមវៀតណាម តំណាងឱ្យទ្វីបអាស៊ី បានធ្លាក់ចេញពីពានរង្វាន់នេះហើយ ដោយម្ចាស់ផ្ទះបារាំង និងអ៊ុយក្រែន ឡើងទៅជុំបន្ត។
សម្រាប់លទ្ធផលនិងកម្មវិធីពានរង្វាន់ 2023 FIVB Volleyball Women’s Challenger Cup វគ្គ៨ក្រុមនេះមាន៖
លទ្ធផលថ្ងៃទី២៧ កក្កដា ២០២៣
គូទី១៖ បារាំង ៣-០ វៀតណាម (២៥-២០,២៥-១៦,២៥-១៧)
គូទី២៖ អ៊ុយក្រែន ៣-១ ក្រូអាត (២៥-១៥,២៥-១៥,១៨-២៥,២៥-១៩)
កម្មវិធីប្រកួតថ្ងៃទី២៨ កក្កដា ២០២៣
គូទី៣៖ ម៉ោង១០យប់ ម៉ិចស៊ីកូ ប៉ះ ស៊ុយអែត
គូទី៣៖ ម៉ោង១:៣០នាទីរំលងអាធ្រាត្រ កូឡុំប៊ី ប៉ះ កេនយ៉ា
ពានរង្វាន់ 2023 FIVB Volleyball Women’s Challenger Cup ប្រកួតពីថ្ងៃទី២៧ ដល់៣០ ខែកក្កដាឆ្នាំ២០២៣ ដោយតម្រូវឱ្យក្រុមទាំង៨ ចាប់គូប្រកួតវគ្គ៨ក្រុមចុងក្រោយ ហើយបន្តឈានដល់វគ្គពាក់កណ្ដាលផ្ដាច់ព្រ័ត្រ និងចុងក្រោយរកក្រុមចូលដល់វគ្គផ្ដាច់ព្រ័ត្រ។ ក្រុមឈ្នះជើងឯកក្នុងពានរង្វាន់ នឹងកក់កៅអីចូលរួមប្រកួតក្នុងពានរង្វាន់ FIVB Volleyball Women’s Nations League នៅឆ្នាំក្រោយ។
ពានរង្វាន់នេះរៀបចំចំនួន៣លើកហើយ ដោយឆ្នាំ២០១៨ ធ្វើឡើងនៅប្រទេសកាណាដា ហើយជើងឯកបានទៅប្រទេសប៊ុលហ្ការី។ ឆ្នាំ២០១៩ បន្តធ្វើនៅកាណាដា ដដែល ខណៈម្ចាស់ជើងឯកបានទៅកាណាដា។ ឆ្នាំ២០២០ និង២០២១ ត្រូវរំសាយចោលដោយសារជំងឺរាតត្បាតកូវីដ-១៩ ខណៈឆ្នាំ២០២២ ធ្វើនៅប្រទេសក្រូអាត ហើយម្ចាស់ផ្ទះឈ្នះជើងឯក៕