នៅថ្ងៃទី០៣ សីហា នេះ សហព័ន្ធកីឡាអេឡិចត្រូនិកកម្ពុជា (EFC) បានប្រកាសទទួលស្គាល់ក្រុមកីឡាករអេឡិចត្រូនិកកម្ពុជា See You Soon ជាសមាជិកក្រុមកីឡាអេឡិចត្រូនិករបស់សហព័ន្ធជាតិ។
ក្រុមកីឡាអេឡិចត្រូនិករបស់សហព័ន្ធ ត្រូវគោរពតាមលក្ខន្តិកៈ និងបទបញ្ជាសហព័ន្ធ និងអនុវត្តឲ្យបានខ្ជាប់ខ្ជួន តាមលក្ខខណ្ឌដូចខាងក្រោម៖
- មិនបង្កឲ្យមានការប្រមូលផ្តុំ ក្មេងទំនើង មិនចូលរៀន។
- មិនលេងល្បែងភ្នាល់ ឬស៊ីសង ក្នុងមូលដ្ឋាន។
- ធានារក្សាការពារសន្តិសុខ សុវត្ថិភាពសណ្តាប់ធ្នាប់សាធារណៈ។
- មិនធ្វើការជួញដូរផ្លូវភេទ មិនប្រើប្រាស់ និងជួញដូរគ្រឿងញៀន ។
- មិនបង្កសំលេង រំខានដល់ការរស់នៅ របស់ប្រជាពលរដ្ឋ ដែលនៅជិតខ្លួន ។
- សហការ និងរាយការណ៍ជូនអាជ្ញាធរ មានសមត្ថកិច្ចនូវ បាតុភាពអសកម្ម ដែលបណ្តាលឲ្យប៉ះ ពាល់ដល់សន្តិសុខ សុវត្ថិភាព សណ្តាប់ធ្នាប់សាធារណ:។
- ចូលរួមគ្រប់សកម្មភាពរបស់សហព័ន្ធ (ប្រជុំ និងការប្រកួត)
- គោរពតាមលក្ខន្តិកៈសហព័ន្ធ
សូមបញ្ជាក់ថា ក្រុមកីឡាករអេឡិចត្រូនិកកម្ពុជា See You Soon ក្រោមការដឹកនាំដោយលោក សំ សុផាននី គឺជាក្រុមដែលធ្លាប់ចូលរួមប្រកួតក្នុងពានរង្វាន់ជាច្រើនទាំងក្នុងស្រុក និងក្រៅស្រុកមានដូចជា៖
ឆ្នាំ២០២០៖ ជាម្ចាស់ជើងឯក Smart Kingdom of Legends: Pro
ឆ្នាំ២០២១៖
- ជាម្ចាស់ជើងឯក MPL Cambodia Season 1
- ចំណាត់ថ្នាក់លេខ៩ M3 World Championship
ឆ្នាំ២០២២៖
- ចំណាត់ថ្នាក់លេខ២ T.Y Media E Champion Season 1 និង MPL Cambodia Spring 2022
- ចំណាត់ថ្នាក់លេខ ១១ MLBB Southeast Asia Cup 2022
- ចំណាត់ថ្នាក់លេខ២ Top Clans 2022 Summer Invitational
- ចំណាត់ថ្នាក់លេខ៣ MPL Cambodia Autumn 2022 និង Smart Kingdom Of Legends SEA Rivals
ឆ្នាំ២០២៣៖ ចំណាត់ថ្នាក់លេខ៣ MPL Cambodia Spring 2023
សហព័ន្ធកីឡាអេឡិចត្រូនិកកម្ពុជា បានបរកាសថាចំពោះបណ្តាក្រុមកីឡាអេឡិចត្រូនិកដែលមានបំណងចង់ចូលរួម ជាសមាជិករបស់សហព័ន្ធកីឡាអេឡិចត្រូនិកកម្ពុជា ដើម្បីចូលរួមអភិវឌ្ឍវិស័យ Esports នៅកម្ពុជាឲ្យមានការរីកចំរើនឆ្ពោះទៅ Sea Games 2025 នៅប្រទេសថៃ និងព្រឹត្តិការណ៍កីឡាយុវជនអាស៊ី ឆ្នាំ២០២៩ ដែលកម្ពុជាធ្វើជាម្ចាស់ផ្ទះ អាចធ្វើការដាក់ពាក្យស្នើសុំបាន ដោយចូលទៅកាន់តំណរភ្ជាប់ខាងក្រោម នឹងធ្វើតាមការណែនាំ៖
https://web.facebook.com/efckhmer/photos/5517246541659728
សម្រាប់ព័ត៌មានបន្ថែមសូមធ្វើការទំនាក់ទំនងមកកាន់ទូរស័ព្ទលេខ 070 555 985ក្រុមកីឡាករអេឡិចត្រូនិកកម្ពុជា អាចយកបណ្ណទទួលស្គាល់ក្រុមដែលចេញដោយសហព័ន្ធទៅប្រើប្រាស់បានតាមតម្រូវការចាំបាច់។ សូមបញ្ជាក់សហព័ន្ធមិនតម្រូវឲ្យបង់ថវិកាឡើយ៕
