នៅថ្ងៃទី២១ ខែកក្កដា ឆ្នាំ២០២១ ត្រូវនឹងថ្ងៃពុធ ម្សិលមិញនេះ តារាសម្ដែងយុវវ័យ អាំង សុជាតា បានផុសរូបខ្លួនជាមួយនឹងរថយន្តស៊េរីទំនើបព្រមទាំងបាច់ផ្កាមួយបាច់ធំ ព្រមទាំងសរសេរអរគុណអ្នកម្ដាយរបស់ខ្លួនគឺតារាសម្ដែង សឿន ផានផាភួង។
យោងតាមការបង្ហោះរបស់ផេក MG Cambodia អ្នកម្ដាយរបស់កញ្ញា អាំង សុជតា ហៅ ឈូឈូ បានបញ្ជាទិញរថយន្តទំនើប MG HS ស៊េរីឆ្នាំ ២០២១ ដើម្បីជាកាដូសម្រាប់កូនស្រីបណ្ដូលចិត្ត។ ថ្វីត្បិតតែមិនដឹងថាអ្នកម្ដាយកញ្ញា ឈូឈូ ទិញឱ្យកូនសម្លាញ់ក្នុងឱកាសអ្វីមួយឱ្យពិតប្រាកដក៏ដោយប៉ុន្តែហ្វេនបានបង្ហាញចូលរួមអបអរសាទរចំពោះកញ្ញា ឈូឈូ ដែលទទួលបានរថយន្តស៊េរីខ្ពស់ផុតសម្រាប់បម្រើដល់ការប្រើប្រាស់ធ្វើដំណើរទៅកាន់ជិតឆ្ងាយពិសេសចេញទៅថតភាពយន្ត ចម្រៀង ឬកម្មវិធីនានា។
គួរដឹងដែរថា សម្រាប់តម្លៃរថយន្តស៊េរីទំនើប MG HS 2021 នេះ តាមការឱ្យដឹងពីភ្នាក់ងាររបស់ក្រុមហ៊ុនតាមរយៈសារអេឡិចត្រូនិច មានតម្លៃពេញសរុបចំនួន ៤៦,០០០ ដុល្លារ (៤ម៉ឺនប្រាំមួយពាន់ដុល្លារ)៕
