គិតត្រឹមព្រឹកថ្ងៃពុធ ទី២១ ខែកក្កដា ឆ្នាំ២០២១ នេះរកឃើញក្រុមខ្លាំងឡើងទៅវគ្គ៨ក្រុមចុងក្រោយប្រចាំពានរង្វាន់ជើងឯកប្រចាំទ្វីបអាមេរិកខាងជើង 2021 CONCACAF Gold Cup រួចរាល់ហើយដោយក្នុងនោះមាន៖
ពូលA៖ លេខ១ ម៉ិចស៊ីកូ លេខ២ អែលសាល់វាឌ័រ
ពូល B៖ លេខ១ សហរដ្ឋអាមេរិក លេខ២កាណាដា
ពូល C៖ លេខ១ កូស្តារីកា លេខ២ ចាម៉ៃកា
ពូល D៖ លេខ១ កាតារ លេខ២ ហុងឌុយរ៉ាស់
ដូច្នេះកាលវិភាគប្រកួតវគ្គ៨ក្រុមចុងក្រោយមាន៖
ថ្ងៃទី២៥ ខែកក្កដា ឆ្នាំ២០២១ កាតារ ប៉ះ អែលសាល់វាឌ័រ ម៉ោង៦:៣០នាទីព្រឹក
ថ្ងៃទី២៥ ខែកក្កដា ឆ្នាំ២០២១ ម៉ិចស៊ីកូ ប៉ះ ហុងឌុយរ៉ាស់ ម៉ោង៩ព្រឹក
ថ្ងៃទី២៦ ខែកក្កដា ឆ្នាំ២០២១ កូស្តារីកា ប៉ះ កាណាដា ម៉ោង៦:០០នាទីព្រឹក
ថ្ងៃទី២៦ ខែកក្កដា ឆ្នាំ២០២១ អាមេរិក ប៉ះ ចាម៉ៃកា ម៉ោង៨:៣០នាទីព្រឹក
អត្ថបទពាក់ព័ន្ធ៖Gold Cup៖អែលសាល់វាឌ័រ អាមេរិក ម៉ិចស៊ីកូ កាណាដា ដឹកដៃគ្នាឡើងវគ្គ៨ក្រុមចុងក្រោយ
ពានរង្វាន់ 2021 CONCACAF Gold Cup រៀបចំឡើងពីថ្ងៃទី១០ ខែកក្កដា ដល់ថ្ងៃទី១ ខែសីហា ឆ្នាំ២០២១ នៅ១០កីឡដ្ឋាន ក្នុងចំណោម៩ទីក្រុងរបស់សហរដ្ឋអាមេរិក ដោយមានក្រុមចំនួន១៦ចូលរួម បែងចែកជា៤ពូល។ ក្រុមចំណាត់ថ្នាក់លេខ១និងលេខ២ក្នុងពូលមានឈ្មោះឡើងទៅប្រកួតវគ្គ៨ក្រុមចុងក្រោយ និងបន្តជម្រុះរហូតដល់វគ្គផ្ដាច់ព្រ័ត្រ។
ពានរង្វាន់ CONCACAF Gold Cup ជាការប្រកួតជើងឯកដែលមានក្រុមជម្រើសជាតិនៅទ្វីបអាមេរិកខាងជើង (បន្ថែមតំបន់អាមេរិកកណ្ដាល និងតំបន់ការ៉ាប៊ីន) ហើយរៀបចំនៅរាល់២ឆ្នាំម្តង ខណៈក្រុមជម្រើសជាតិម៉ិចស៊ីកូ ជាអ្នកឈ្នះជើងឯកបានច្រើនជាងគេគឺរហូតដល់១១លើកឯណោះ៕