ក្លិបបាល់ទាត់ Young Elephants របស់ឡាវ បានធ្វើដំណើរមកដល់រាជធានីភ្នំពេញ ប្រទេសកម្ពុជា ២ថ្ងៃមុនការប្រកួតវគ្គជម្រុះបឋម AFC Cup 2023-24 ទល់នឹងក្រុមភ្នំពេញក្រោន ដែលនឹងធ្វើឡើងនៅថ្ងៃទី១៦ ខែសីហា ឆ្នាំ២០២៣ នៅកីឡដ្ឋាន Smart RSN។
ក្លិបបាល់ទាត់ Young Elephants ក្រោមការដឹកនាំរបស់លោក Satyasagara បានគ្រងជើងឯកលីគកំពូលឡាវ Lao Premier League 2023 ២រដូវកាលជាប់គ្នា ជាលើកដំបូងក្នុងប្រវត្តិសាស្រ្ត។
ខណ:ភ្នំពេញក្រោន គឺជាម្ចាស់ជើងឯកពានរង្វាន់លីគកំពូលកម្ពុជា Cambodian Premier League 2022 នឹងតំណាងឱ្យកម្ពុជា ចូលរួមប្រកួតពានរង្វាន់ជើងឯកកម្រិតទី២ប្រចាំទ្វីបអាស៊ី គឺ AFC Cup រដូវកាលឆ្នាំ២០២៣-២៤ ក្នុងកូតាវគ្គជម្រុះបឋម។
វគ្គជម្រុះបឋមប្រចាំតំបន់អាស៊ាន នេះហៅថា Preliminary ដែលមាន២គូ ត្រូវប្រកួតនៅថ្ងៃទី ១៦ ខែសីហា ឆ្នាំ២០២៣ ក្នុងនោះ៖
គូទី១៖ ភ្នំពេញក្រោន (កម្ពុជា) ប៉ះ Young Elephants (ឡាវ) នៅកីឡដ្ឋាន Smart RSN
គូទី២៖ Yangon United (មីយ៉ាន់ម៉ា) ប៉ះ Kasuka (ប្រ៊ុយណេ)។
វគ្គជម្រុះ Play Off Round នឹងធ្វើឡើងនៅថ្ងៃទី២៣ ខែសីហា ឆ្នាំ២០២៣ ដោយ៖
គូទី១៖ Tampines Rovers (សិង្ហបុរី) ប៉ះ អ្នកឈ្នះរវាង ភ្នំពេញក្រោន និងYoung Elephants
គូទី២៖ PSM Makassar (ឥណ្ឌូណេស៊ី) ប៉ះ អ្នកឈ្នះរវាង Yangon United និង Kasuka៕