ឆ្លងកាត់២សប្ដាហ៍នៃពានរង្វាន់លីគកំពូលកម្ពុជា Cambodian Premier League 2023-23 មកនេះមានកីឡាករ៩នាក់ ឈ្នះងា Man Of The Match នៅក្នុងការប្រកួតទាំង១០ ស្របពេលភាគច្រើននៃអ្នកឈ្នះគឺសុទ្ធតែរកបានគ្រាប់បាល់ក្នុងការប្រកួត ប៉ុន្តែមានកីឡាករ២នាក់ប៉ុណ្ណោះ ដែលទទួលងានេះ ដោយមិនបានទាត់បាល់បញ្ចូលទីគូប្រកួត។
បញ្ជីកីឡាករដែលឈ្នះ MVP តាមការប្រកួតនីមួយៗមាន៖
– Marcus Haber (កាណដា) របស់ព្រះខ័នរាជស្វាយរៀង ឈ្នះបាន២លើក (៤គ្រាប់)
– Marques Marcio (ប្រេស៊ីល) របស់ណាហ្គាវើល ឈ្នះ១លើក (៣គ្រាប់)
– Yudai Ogawa (ជប៉ុន) របស់ភ្នំពេញក្រោន ឈ្នះ១លើក (១គ្រាប់)
– Abdel Kader Coulibaly (កូឌីវ័រ) របស់ ISI ដង្កោសែនជ័យ ឈ្នះ១លើក (១គ្រាប់)
– So Omae (ជប៉ុន) របស់ព្រៃវែងអែហ្វស៊ី ឈ្នះ១លើក (២គ្រាប់)
– Romário Alves (ប្រេស៊ីល) របស់គីរីវង់សុខសែនជ័យ ឈ្នះ១លើក (១គ្រាប់)
– ចាន់ វឌ្ឃនាកា របស់បឹងកេតអែហ្វស៊ី ឈ្នះ១លើក (២គ្រាប់)
– អ៊ុក សុវណ្ណ របស់វិសាខា ឈ្នះ១លើក
– Alisher Mirzaev (អ៊ូបេគីស្ថាន) របស់វិសាខា ឈ្នះ១លើក
សម្រាប់រដូវកាលឆ្នាំ២០២៣-២៤ នេះក្រុមហ៊ុន CPL ទទួលបានការឧបត្ថម្ភពីក្រុមហ៊ុន Panasonic ផ្តល់ជូនកីឡាករ Man Of The Match តាមប្រកួតនីមួយៗជាម៉ាស៊ីន ទឹកក្តៅ-ត្រជាក់ ខណៈកាលពីរដូវកាលមុនផ្ដល់ជូនជា ម៉ាស៊ីន Microwave។
កាលពីរដូវកាល២០២៣ កន្លងទៅកីឡាករMarcus Haber និង Takumu Nishihara ជាអ្នកឈ្នះ MVP ច្រើនជាងគេ គឺ៦លើកម្នាក់ បើធៀបនឹងកីឡាករ៤៣នាក់ ដែលឈ្នះងារនេះ៕
