នៅក្នុងពិធីសំណេះសំណាលជាមួយថ្នាក់ដឹកនាំក្នុងអនុវិស័យអប់រំកាយ និងកីឡា និងការងារប្រយុទ្ធប្រឆាំងអំពើជួញដូរមនុស្ស និងគ្រឿងញៀន ដែលមានការចូលរួមពីមន្ត្រីរាជការ អង្គភាពជំនាញទាំង៦ចំណុះអគ្គនាយកដ្ឋានកីឡា អង្គភាពពាក់ព័ន្ធ និងក្រុមការងារប្រយុទ្ធប្រឆាំងអំពើជួញដូរមនុស្ស និងគ្រឿងញៀន នៃក្រសួងអប់រំ យុវជន និងកីឡាសរុបចំនួន ១១០រូប នៅព្រឹកថ្ងៃទី១៤ ខែសីហា ឆ្នាំ២០២៣ មជ្ឈមណ្ឌលជាតិហ្វឹកហ្វឺនកីឡា។
ពិធីនេះប្រព្រឹត្តិទៅក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ស សុខា រដ្ឋលេខាធិការទទួលបន្ទុក និងជាតំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យរដ្ឋមន្រ្តីក្រសួងអប់រំ យុវជន និងកីឡា។
ក្នុងនោះ ឯកឧត្តម ស សុខា រដ្ឋលេខាធិការទទួលបន្ទុក បានលើកឡើងជុំវិញយុទ្ធសាស្រ្តចំនួន១៣ ដែលជាផែនទីចង្អុលផ្លូវក្នុងការអភិវឌ្ឍវិស័យអប់រំកាយ និងកីឡានៅកម្ពុជារួមមាន៖
១. អភិវឌ្ឍក្របខ័ណ្ឌច្បាប់ និងយន្តការ
២. លើកកម្ពស់ការអប់រំ ការបណ្តុះបណ្តាល និងការអភិវឌ្ឍសមត្ថភាព
៣. លើកកម្ពស់សមភាពយេនឌ័រ
៤. អភិវឌ្ឍកីឡាជនពិការ
៥. អភិវឌ្ឍហេដ្ឋារចនាសម្ព័ន្ធនិងសម្ភារៈរូបវន្ត
៦. ស្រាវជ្រាវ និងចងក្រងឯកសារ
៧. ការពារតម្លៃសីលធម៌ការអប់រំកាយនិងកីឡាសម្រាប់ទាំងអស់គ្នា
៨. ពង្រឹងប្រព័ន្ធព័ត៌មាននិងប្រព័ន្ធផ្សព្វផ្សាយ
៩. ពង្រឹងតួនាទីរបស់អង្គការរដ្ឋកីឡានិងអង្គការសង្គមកីឡា
១០. កែសម្រួល និងពង្រឹងរចនាសម្ព័ន្ធនៃការប្រកួត
១១. ពង្រឹងសហប្រតិបត្តិការអន្តរជាតិ
១២. លើកកម្ពស់ឧស្សាហកម្មកីឡា
១៣. ទប់ស្កាត់ភាពអសកម្មក្នុងសង្គម។
ឯកឧត្តមសង្កត់ធ្ងន់ជាពិសេសនោះគឺកំណែទម្រង់ស៊ីជម្រៅចំនួន ៤ចំណុចដែលជាអាទិភាព ដើម្បីលើកកម្ពស់ និងពន្លឿនការអភិវឌ្ឍវិស័យកីឡា មានដូចជា៖
- ការកែលម្អរចនាសម្ព័ន្ធការប្រកួតកីឡា
- ការបណ្តុះបណ្តាលធនធានមនុស្ស
- ការកែលម្អរចនាសម្ព័ន្ធការប្រកួតកីឡា
- ការពង្រឹងសហព័ន្ធកីឡាជាតិ៕