លោកជំទាវ កែ សួនសុភី ប្រធានក្លិបបាល់ទាត់វិសាខា សមាជិកលីគកំពូលកម្ពុជា Cambodian Premier League 2023-24 បានសរសេរលើគណនីហ្វេសប៊ុកលើកទឹកចិត្ត ជាសកលប៉ុន្មានឃ្លា នៅរាត្រីថ្ងៃទី១៦ ខែសីហា ឆ្នាំ២០២៣ កន្លងទៅ។
លោកជំទាវបានសរសេរថា៖ «សូមរំលឹកមុនពេលចូលគេង ! ការអត់ធ្មត់គឺជាគុណធម៌ដែលនាំមកនូវរង្វាន់ដ៏អស្ចារ្យ។ វាបង្រៀនយើងឱ្យរង់ចាំដោយព្រះគុណ ជឿជាក់លើដំណើរការ និងទទួលយកការធ្វើដំណើរ។ នៅក្នុងពិភពលោកមួយដែលពោរពេញទៅដោយការពេញចិត្តភ្លាមៗ ការអត់ធ្មត់រំឭកយើងឱ្យបន្ថយល្បឿន បណ្ដុះការយល់ដឹង និងឱ្យតម្លៃលើភាពស្រស់ស្អាតនៃការរង់ចាំ។ វាផ្តល់អំណាចឱ្យយើងស៊ូទ្រាំនឹងឧបសគ្គ រក្សាភាពស្ងប់ស្ងាត់ក្នុងភាពលំបាក និងស្វែងរកកម្លាំងក្នុងគ្រាលំបាក»។
ខ្លឹមសារបន្តរបស់លោកជំទាវបញ្ជាក់ទៀតថា៖«ដូច្នេះ ចូរយើងទទួលយកការអត់ធ្មត់ជាពន្លឺនាំផ្លូវ ព្រោះវាកាន់អំណាចក្នុងការផ្លាស់ប្តូរជីវិតរបស់យើង ហើយនាំយើងទៅកាន់ទីខ្ពស់ជាងមុន។ ចូរចាំថា របស់ល្អមកដល់អ្នកដែលរង់ចាំ។ រាត្រីសួស្តីមិត្តហ្វេសប៊ុក»។
លោកជំទាវ កែ សួនសុភី ប្រធានក្លិបជាស្រ្តី ម្នាក់ក្នុងចំណោម២នាក់ ដែលជាសមាជិកលីគកំពូលចំនួន១០ក្រុម ខណៈស្ត្រីប្រធានក្លិបមួយរូបទៀត គឺលោកស្រី ពុធ ធីតា របស់ក្រុមបឹងកេតកេតអែហ្វស៊ី។
ក្លិបបាល់ទាត់វិសាខា បានឡើងមកកាន់លីគកំពូលកម្ពុជា នៅឆ្នាំ២០១៨ ក្រោយឈ្នះជើងឯកលីគទី២ នៅឆ្នាំ២០១៧។ រហូតដល់បច្ចុប្បន្ន ក្រុមវិសាខា ធ្លាប់ឈរលេខ៣ នៅឆ្នាំដំបូង ក្នុងលីគកំពូលកម្ពុជា ហើយនៅឆ្នាំ២០១៩ ក្រុមនេះឈ្នះជើងឯករង។ ឆ្នាំ២០២០ វិសាខា ឈរចំណាត់ថ្នាក់លេខ៥ ហើយចូលដល់ឆ្នាំ២០២១ ក្រុមនេះឈរចំណាត់ថ្នាក់លេខ៣ និងដល់ឆ្នាំ២០២២ ឈ្នះជើងឯករងម្តងទៀត។
ចំណែកក្នុងពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ ៣លើកជាប់គ្នា ក្នុងនោះនៅឆ្នាំ២០២០, ២០២១, ២០២២។ ក្រុមនេះធ្លាប់មានឈ្មោះតំណាងឱ្យកម្ពុជា ចូលរួមប្រកួតពានរង្វាន់កម្រិតទ្វីបអាស៊ី AFC Cup ២លើក គឺនៅឆ្នាំ២០២១ និង២០២២ ផងដែរ៕
