ទីបំផុតក្រុមភ្នំពេញក្រោន បានបន្តកំណត់ត្រា ជាក្រុមកម្ពុជា ទាំងអស់ដែលឈ្នះក្រុមមកពីប្រទេសឡាវ គ្រប់ពេលក្នុងវគ្គជម្រុះពានរង្វាន់បាល់ទាត់កម្រិតទ្វីបអាស៊ី AFC Cup ក្រោយយកឈ្នះលើក្រុម Young Elephants នៅវគ្គជម្រុះ Preliminary round 2 ដោយលទ្ធផល ៣-០ លើទីលានកីឡដ្ឋាន Smart RSN ក្នុងរាជធានីភ្នំពេញ នាល្ងាចថ្ងៃពុធ ទី១៦ ខែសីហា ឆ្នាំ២០២៣។
អត្ថបទពាក់ព័ន្ធ៖សមាជិកលីគកំពូលកម្ពុជា ទាំងអស់ទទួលបានអាជ្ញាបណ្ឌពីសហព័ន្ធបាល់ទាត់អាស៊ីជាប្រវត្តិសាស្រ្ត
ទស្សនាវីដេអូខាងក្រោមអំពីចំណាប់អារម្មណ៍គ្រូបង្វឹកភ្នំពេញក្រោន ក្រោយយកឈ្នះ Young Elephants ៣-០ វគ្គជម្រុះ AFC Cup 2023/24៖
ការប្រកួតក្រោមការកាត់សេចក្តីពីសំណាក់លោកអាជ្ញាកណ្ដាលជនជាតិឥណ្ឌា Pranjal Banerjee ដែលចាប់ផ្ដើមពីម៉ោង៦:៣០នាទី ក្រោយផ្អាកបណ្ដោះអាសន្ន១៥នាទីចំនួន២លើក ព្រោះតែទឹកដក់លើទីលានដោយសារភ្លៀងធ្លាក់ខ្លាំង។
គ្រាប់បាល់ជ័យជម្នះរបស់ម្ចាស់ផ្ទះភ្នំពេញក្រោន រកបានដោយកីឡាករបរទេសចំនួន៣រូបគឺកីឡាករជប៉ុន Shintaro Shimizu, Yudai Ogawa និងកីឡាករកូឡុំប៊ី Andrés Nieto។ ចំណែកកីឡាកររបស់Young Elephants គឺកីឡាករ Emmanuel Jugbe Doe ត្រូវលោកអាជ្ញាកណ្ដាលពិន័យកាតក្រហមនៅចុងវគ្គទី២។
អត្ថបទពាក់ព័ន្ធ៖AFC Cup៖ ភ្នំពេញក្រោន ប៉ះ Young Elephants របស់ឡាវ ខណៈTampines Rovers អង្គុយចាំ
សារព័ត៌មានត្រយង សូមសង្ខេបពីរូបមន្តប្រកួតក្នុង វគ្គជម្រុះក្នុងពានរង្វាន់ AFC Cup 2023-24 (Qualifying play-offs) ដោយមាន៣ដំណាក់កាលមុនស្វែងរកក្រុមខ្លាំងឡើងទៅវគ្គចែកពូល ដូចជា៖
*វគ្គជម្រុះដំបូង Preliminary round 1
តំបន់អាស៊ីភាគខាងត្បូង (South Asia Zone)
– Machhindra (នេប៉ាល់) ៣-២ Bhutan Paro (ប៊ូតាន់)
*វគ្គជម្រុះទី២ Preliminary round 2
តំបន់អាស៊ីខាងត្បូង (South Asia Zone)
– Mohun Bagan SG (ឥណ្ឌា) ៣-១Machhindra (នេប៉ាល់) អ្នកឈ្នះនៅវគ្គ Preliminary round 1
– Dhaka Abahani (បង់ក្លាដេស) ២-១Club Eagles (ម៉ាល់ឌីវ)
តំបន់អាស៊ីកណ្ដាល (Central Asia Zone)
– Merw Mary (តួរមេនីស្ថាន) ១-០ Alay Osh (កៀហ្ស៊ីគីស្ថាន)
តំបន់អាស៊ីភាគអាគ្នេយ៍ (ASEAN Zone)
– ប្រកួតទី១៖ ភ្នំពេញក្រោន (កម្ពុជា) ០-៣ Young Elephants (ឡាវ)
– ប្រកួតទី២៖ Yangon United (មីយ៉ាន់ម៉ា) ២-១ DPMM (ប្រ៊ុយណេ)
*វគ្គជម្រុះទី៣ Play-off round
តំបន់អាស៊ីWest Asia Zone
– ២២ សីហា Al-Khaldiya (បារ៉ែន) ប៉ះ Al-Nahda (អូម៉ង់)
– ២២ សីហា Al-Ittihad (ស៊ីរី) ប៉ះ Shabab Al-Khalil (ប៉ាឡេស្ទីន)
តំបន់អាស៊ីខាងត្បូង (South Asia Zone)
-២២ សីហា Mohun Bagan SG (ឥណ្ឌា) ប៉ះ Dhaka Abahani (បង់ក្លាដេស)
តំបន់អាស៊ីកណ្ដាល (Central Asia Zone)
-២២ សីហា Khujand (តាហ្ស៊ីគីស្ថាន) ប៉ះ Merw Mary (តួរមេនីស្ថាន)
តំបន់អាស៊ីភាគអាគ្នេយ៍ (ASEAN Zone)
-២៣ សីហា Tampines Rovers (សិង្ហបុរី) ប៉ះ Phnom Penh Crown (កម្ពុជា)
-២៣ សីហា PSM Makassar (ឥណ្ឌូណេស៊ី) ប៉ះ Yangon United (មីយ៉ាន់ម៉ា)
តំបន់អាស៊ីខាងកើត (East Asia Zone)
-២៣ សីហា Monte Carlo (ម៉ាកាវ) ប៉ះ Taichung Futuro (តៃវ៉ាន់)
អត្ថបទពាក់ព័ន្ធ៖ម្ចាស់ជើងឯកលីគកំពូលកម្ពុជា២០២២ នឹងតំណាងឱ្យកម្ពុជាចូលរួម AFC Cup ២០២៣/២៤
ដូច្នេះក្រុមដែលឈ្នះនៅវគ្គPlay-off round នឹងឡើងទៅវគ្គចែកពូល ដែលមានក្រុម៣៦ក្រុម ខណៈពានរង្វាន់នេះបែងចែកជាតំបន់ចំនួន៥ មានអាស៊ីខាងលិច អាស៊ីខាងកើត អាស៊ីកណ្តាល អាស៊ីខាងត្បូង និងអាស៊ីអាគេ្នយ៍។