កីឡាការិនី អ៊ុន ស្រីយ៉ា ដណ្តើមបានមេដាយមាស វិញ្ញាសា នារីវាយយកពិន្ទុ (Women Shooting) ក្រោយយកឈ្នះម្ចាស់ផ្ទះម៉ាឡេស៊ី ៣៣-១៧ ក្នុងការប្រកួតកីឡាប៉េតង់ជើងឯកអាស៊ីលើកទី៥ ឆ្នាំ២០២៣ (The 5th Asian Petanque Championship 2023) នៅប្រទេសម៉ាឡេស៊ី នៅព្រឹកថ្ងៃទី១៨ ខែសីហា ឆ្នាំ២០២៣ នេះ។
ខណ:កីឡាករ ថោង ឈឿន ដណ្តើមបានមេដាយសំរឹទ្ធិ វិញ្ញាសាបុរសវាយយកពិន្ទុ (Men Shooting) ក្នុងការប្រកួតកីឡាប៉េតង់ជើងឯកអាស៊ីលើកទី៥ ឆ្នាំ២០២៣។
យោងតាមការបញ្ជាក់របស់សហព័ន្ធកីឡាប៊ូល និងប៉េតង់ បានឲ្យដឹងថាកញ្ញា គីន សំណាង អគ្គលេខាធិការរងសហព័ន្ធកីឡាប៊ូល និងប៉េតង់ បានដឹកនាំប្រតិភូ គ្រូបង្វឹក គ្រូជំនួយ កីឡាករ និងកីឡាការិនី សរុប ២២រូប ចេញទៅប្រកួតកីឡាប៉េតង់ជើងឯកអាស៊ីលើកទី៥ ឆ្នាំ២០២៣ (The 5th Asian Petanque Championship 2023) នៅប្រទេសម៉ាឡេស៊ី៕