ពានរង្វាន់ AFF U23 Championship 2023 ដែលប្រទេសថៃ ទទួលរៀបចំធ្វើជាម្ចាស់ផ្ទះ បានកំពុងបន្តប្រកួតសន្សំពិន្ទុ ២ប្រកួតទៀត នៅរសៀលថ្ងៃទី១៩ ខែសីហា វេលាម៉ោង ៤:០០នាទីតទៅ ខណៈក្រុមជម្រើសជាតិកម្ពុជា បន្តជួបក្រុមជម្រើសជាតិមីយ៉ាន់ម៉ា នៅកីឡដ្ឋានPTT Stadium ខេត្ត Rayong ប្រទេសថៃ។
កម្មវិធីប្រកួតថ្ងៃទី១៩ ខែសីហា៖
-ម៉ោង៤នាទីរសៀល កម្ពុជា ប៉ះមីយ៉ាន់ម៉ា នៅកីឡដ្ឋានខេត្ត Rayong
-ម៉ោង៨នាទីយប់ ថៃ ប៉ះប៊្រុយណេ នៅកីឡដ្ឋានខេត្ត Rayong។
សូមរំលឹកដែលថា ក្រុមជម្រើសជាតិកម្ពុជា អាយុក្រោម២៣ឆ្នាំ បានយកឈ្នះយុវជនប្រ៊ុយណេ ក្នុងលទ្ធផល ៥-០ កាលពីថ្ងៃទី១៨ ខែសីហា ឆ្នាំ២០២៣ កន្លងទៅ នៅកីឡដ្ឋាន PTT Stadium ក្នុងខេត្ត Rayong ប្រទេសថៃ។
ខណ:ម្ចាស់ផ្ទះ U-23 ថៃ ក៏បានយកឈ្នះ មីយ៉ាន់ម៉ា ក្នុងលទ្ធផល ៣-០ នៅកីឡដ្ឋាន PTT Stadium ក្នុងខេត្ត Rayong វគ្គសន្សំពិន្ទុពូល A។
ចំពោះតម្លៃសំបុត្រមានលក់ក្នុងកីឡដ្ឋាន៖
-ទី១៖ Rayong Province Stadium៖ ១០០បាត, ២០០បាត, ៣០០បាត ទាំងក្រុមម្ចាស់ផ្ទះនិងក្រុមភ្ញៀវ
-ទី២៖ PTT Stadium៖ ក្រុមម្ចាស់ផ្ទះ មានតម្លៃ១០០បាត,២០០បាត,៣០០បាត ឯក្រុមភ្ញៀវតម្លៃ២០០បាត
*សម្រាប់អត្រាប្តូរប្រាក់បច្ចុប្បន្នគឺ៖១បាត ស្មើប្រហែល១១៨.រៀល
ពានរង្វាន់ AFF U23 Championship 2023 មាន១០ក្រុមចូលរួម បែងចែកជា ៣ពូល ខណ:ក្រុមយុវជនអាយុក្រោម ២៣ឆ្នាំកម្ពុជា ស្ថិតនៅក្នុងពូល A ជាមួយម្ចាស់ផ្ទះថៃ ប្រ៊ុយណេ និង មីយ៉ាន់ម៉ា ដោយចាប់ផ្តើមពីថ្ងៃទី១៧ ខែសីហា រហូតដល់ថ្ងៃទី២៦ ខែសីហា ឆ្នាំ២០២៣ នៅប្រទេសថៃ៕