ការប្រកួតពានរង្វាន់ Cambodian Premier League រដូវកាល ២០២៣-២៤ បានឈានដល់សប្តាហ៍ទី៣ ហើយ ខណៈរសៀលថ្ងៃទី១៩ ខែសីហា ឆ្នាំ២០២៣ នេះ មានការប្រកួតតែ១គូប៉ុណ្ណោះ ដោយក្រុមបាល់ទាត់អង្គរថាយហ្គឺរ នឹងបើកទ្វារកីឡដ្ឋានហនុមាន ទទួលស្វាគមន៏ក្រុមភ្ញៀវមកពីខេត្តតាកែវ គឺក្រុមគិរីវង់សុខសែជ័យ ដែលប្រកួតនឹងចាប់ផ្តើមនៅម៉ោង ៣ៈ៤៥ នាទីរសៀល។
សម្រាប់ក្រុមម្ចាស់ផ្ទះអង្គរថាយហ្គឺរ មានរូបតំណាងដោយសត្វខ្លា ដែលឈរជើងលើទឹកដីអង្គរ ស្របពេលដែលក្រុមគីរីវង់សុខសែនជ័យ មានរូបតំណាងដោយមាន់គក។ តើរសៀលនេះខ្លាអង្គរ ឬ មាន់គក តាកែវ នឹងរកបាន៣ពិន្ទុ?
កម្មវិធីការប្រកួតសប្តាហ៍ទី៣ នៃពានរង្វាន់ Cambodian Premier League
តារាងចំណាត់ថ្នាក់គិតត្រឹមសប្តាហ៍ទី
អ្នកគាំទ្រចូលរួមទូស្សនាផ្ទាល់នៅកីឡដ្ឋានកើនដល់ ៨,០៧៥នាក់ គិតត្រឹមសប្តាហ៍ទី២
សូមបញ្ជាក់ថា ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ មាន១០ក្រុមចូលរួម ដោយក្រុមទាំង១០ ប្រើប្រាស់រូបមន្តប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ដល់លេខ៤មានឈ្មោះឡើងទៅជុំបន្ត ខណៈការប្រកួតរដូវកាល ឆ្នាំ២០២៣-២០២៤ នេះនឹងដំណើរការដល់ខែឧសភា ឆ្នាំ២០២៤៕
