ប្រទេសវៀតណាម បានរៀបចំធ្វើជាម្ចាស់ផ្ទះព្រឹត្តិការណ៍ប្រកួតបាល់ទះលំដាប់អន្តរជាតិផ្នែកនារី 2023 VTV International Women’s Volleyball Cup (VTV Cup ឆ្នាំ 2023)។
ព្រឹត្តិការណ៍នេះ ត្រូវបានខកខានអស់រយ:ពេល ៣ឆ្នាំចាប់ពីឆ្នាំ២០២០ ដល់ឆ្នាំ២០២២ ដោយសារតែជំងឺរាតត្បាត កូវីដ១៩ ទូទាំងពិភពលោក។ ដោយនៅឆ្នាំ២០២៣ នេះត្រូវបានប្រទេសវៀតណាម រៀបចំធ្វើជាម្ចាស់ផ្ទះ ការប្រកួតបានចាប់ផ្ដើមពីថ្ងៃទី១៩ សីហា ដល់ថ្ងៃទី២៦ សីហា ឆ្នាំ២០២៣។ ការប្រកួតនេះត្រូវបានប្រារព្ធធ្វើនៅមជ្ឃមណ្ឌលហាត់ប្រាណ Lào Cai ក្នុងទីក្រុង Lào Cai ប្រទេសវៀតណាម។
សូមរំលេកថា នេះគឺជាលើកទី១៧ ហើយដែលព្រឹត្តិការណ៍ប្រកួតបាល់ទះលំដាប់អន្តរជាតិផ្នែកនារី 2023 VTV International Women’s Volleyball Cup (VTV Cup ឆ្នាំ 2023) បានធ្វើឡើង។ ដោយនៅឆ្នាំនេះការប្រកួតមាន ៦ក្រុមចូលរួមមកពី ៥ប្រទេសមាន ម្ចាស់ផ្ទះវៀតណាម ២ក្រុម (Vietnam 1, Vietnam 2) ហ្វីលីពីន ១ក្រុម (Choco Mucho Flying Titans) ជប៉ុន ១ក្រុម ( Kansai University of Social Welfare) កូរ៉េខាងត្បូង ១ក្រុម (Suwon City) និងអូស្រ្តាលី ១ក្រុម។
ដោយឆ្លងកាត់ចំនួន ៩ប្រកួតកន្លងមកទទួលបានលទ្ធផលដូចខាងក្រោម៖
ថ្ងៃទី១៩ សីហា ២០២៣
-ជប៉ុន ១-៣ ពីហ្វីលីពីន
-វៀតណាម២ ៣-១ កូរ៉េខាងត្បូង
-វៀតណាម ១ ៣-០ អូស្ត្រាលី
ថ្ងៃទី២០ សីហា ២០២៣
-កូរ៉េខាងត្បូង ០-៣ ជប៉ុន
-វៀតណាម ២ ៣-០ អូស្ត្រាលី
-វៀតណាម ១ ៣-០ ហ្វីលីពីន
ថ្ងៃទី២១ សីហា ២០២៣
-អូស្ត្រាលី ០-៣ ហ្វីលីពីន
-វៀតណាម ២ ៣-០ ជប៉ុន
-កូរ៉េខាងត្បូង ០-៣ វៀតណាម ១
កម្មវិធីប្រកួតបន្ត៖
ថ្ងៃទី២២ សីហា ២០២៣
-កូរ៉េខាងត្បូង ប៉ះ អូស្ត្រាលី
-វៀតណាម ២ ប៉ះ ហ្វីលីពីន
-កូរ៉េខាងត្បូង ប៉ះ វៀតណាម ១
ថ្ងៃទី២៣ សីហា ២០២៣
-ហ្វីលីពីន ប៉ះ កូរ៉េខាងត្បូង
-អូស្ត្រាលី ប៉ះ ជប៉ុន
-វៀតណាម ១ ប៉ះ វៀតណាម ២
ព្រឹត្តិការណ៍ VTV International Women’s Volleyball Cup គឺជាការប្រកួតបាល់ទះអន្តរជាតិសម្រាប់នារី ដែលត្រូវបានបង្កើតឡើងក្នុងឆ្នាំ២០០៤ ប្រារព្ធឡើងជារៀងរាល់ឆ្នាំ។ ខណ:វៀតណាម និងជប៉ុន ជាក្រុមដែលឈ្នះមេដាយមាស ច្រើនជាងគេចំនួន ៥លើក ចិន ចំនួន ៣លើក ថៃ ចំនួន ២លើក និងកូរ៉េខាងជើង ចំនួន ១លើក៕