ពានរង្វាន់ Cambodian Premier League រដូវកាលឆ្នាំ២០២៣-២៤ បានបញ្ចប់សប្តាហ៍ទី៣ ដោយបច្ចុប្បន្នវិសាខា និងស្វាយរៀង គឺជាក្រុមដែលមិនទាន់ចាញ់សោះ ក្រោយឆ្លងកាត់៣ប្រកួត ឈ្នះទាំង៣ប្រកួតដូចគ្នា មាន៩ពិន្ទុក្នុងដៃ ខណៈ គិរីវង់សុខសែនជ័យ ៣ប្រកួត ចាញ់ ២ស្មើ១ មាន ១ពិន្ទុ នៅបាតតារាង។
សម្រាប់ការប្រកួតនៅថ្ងៃទី២៦-២៧ ខែសីហា ឆ្នាំ២០២៣ សប្ដាហ៍ទី៤ នេះវិញ មានចំនួន ៥គូធ្វើការប្រកួតប្រជែងបន្តដូចខាងក្រោម៖
- ថ្ងៃទី២៦ សីហា៖ អាយ អេស អាយ ដង្កោសែនជ័យ ប៉ះព្រះខ័នរាជ ស្វាយរៀង ហ្វូតបល ក្លិប នៅកីឡដ្ឋាន អេអាយអេ ខេអឹមអេចផាក
- ថ្ងៃទី២៧ សីហា៖ អង្គរថាយហ្គឺរ ប៉ះកងយោធពលខេមរភូមិន្ទ នៅកីឡដ្ឋាន ហនុមាន
- ថ្ងៃទី២៧ សីហា៖ គិរីវង់សុខសែនជ័យ ប៉ះព្រៃវែង នៅកីឡដ្ឋាន គិរីវង់
- ថ្ងៃទី២៧ សីហា៖ ណាហ្គាវើលដ៍ ប៉ះភ្នំពេញក្រោន កីឡាដ្ឋាន កំពង់ស្ពឺ
- ថ្ងៃទី២៧ សីហា៖ បឹងកេត ប៉ះវិសាខា នៅពហុកីឡដ្ឋានជាតិ អូឡាំពិក
ខាងក្រោមនេះគឺជាតារាងចំណាត់ថ្នាក់បញ្ចប់សប្ដាហ៍ទី៣៖
សូមបញ្ជាក់ថា ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ មាន១០ក្រុមចូលរួម ដោយក្រុមទាំង១០ ប្រើប្រាស់រូបមន្តប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ដល់លេខ៤មានឈ្មោះឡើងទៅជុំបន្ត ខណៈការប្រកួតរដូវកាល ឆ្នាំ២០២៣-២០២៤ នេះនឹងដំណើរការដល់ខែឧសភា ឆ្នាំ២០២៤៕