ឯកឧត្តម សួន សុម៉ាលីន អតីតអភិបាលខេត្តរង និងជាប្រធានក្លិបបាល់ទាត់ព្រៃវែងអែហ្វស៊ី ត្រូវបានព្រះមហាក្សត្រត្រាស់បង្គាប់តែងតាំងជាអភិបាលនៃគណៈអភិបាលខេត្តព្រៃវែង កាលពីពេលថ្មីៗ ក្រោមការដឹកនាំរបស់រាជរដ្ឋាភិបាលអាណត្តិទី៧ នេះ។
ក្រុមបាល់ទាត់ព្រៃវែងអេហ្វស៊ី ជាក្រុមមួយក្នុងចំណោម៤ ដែលជាសមាជិករបស់ពានរង្វាន់ Cambodian Premier League រដូវកាល២០២៣-២៤ ដែលមានមូលដ្ឋាននៅតាមបណ្ដាខេត្ត ដោយក្នុងនោះមានក្រុមព្រះខ័នរាជស្វាយរៀង ឯ.ក មានមូលដ្ឋាននៅខេត្តស្វាយរៀង ក្រុមណាហ្គាវើល មានមូលដ្ឋាននៅខេត្តកំពង់ស្ពឺ និងក្រុមគីរីវង់សុខសែនជ័យ មានមូលដ្ឋាននៅខេត្តតាកែវ៕