ជើងឯកបាល់ទះបុរសក្នុងសាលប្រចាំទ្វីបអាស៊ី Asian Men’s Volleyball Championship រកឃើញក្រុមដែលឡើងវគ្គពាក់កណ្ដាលផ្ដាច់ព្រ័ត្រហើយ គឺអ៊ីរ៉ង់ ប៉ះចិន និងជប៉ុន ប៉ះកាតា ខណ:ក្រុមដែលទទួលបានចំណាត់ថ្នាក់ចុងក្រោយគេបានរកឃើញហើយគឺ អ៊ូប៊ែគីស្ថាន។
ព្រឹត្តិការណ៍ប្រកួតបាល់ទះបុរសក្នុងសាលប្រចាំទ្វីបអាស៊ី លើកទី២២ ដែលរៀបចំឡើងរាល់២ឆ្នាំម្តង ដោយប្រទេសអ៊ីរ៉ង់ ជាម្ចាស់ផ្ទះនៅឆ្នាំនេះ នឹងបន្តការប្រកួតវគ្គពាក់កណ្ដាលផ្ដាច់ព្រ័ត្រនៅរសៀលថ្ងៃទី២៥ ខែសីហា ឆ្នាំ២០២៣ នេះ។
*សូមបញ្ជាក់ថាល្វែងម៉ោងនៅទីក្រុង Urmia ប្រទេសអ៊ីរ៉ង់ យឺតជាងម៉ោងនៅកម្ពុជា ចំនួន២ម៉ោង
វគ្គពាក់កណ្ដាលផ្ដាច់ព្រ័ត្រ ថ្ងៃទី២៥ សីហា៖
-អ៊ីរ៉ង់ ប៉ះចិន ប្រកួតនៅម៉ោង ៤:១៥នាទីរសៀល
-ជប៉ុន ប៉ះកាតា ប្រកួតនៅម៉ោង ៧:១៥នាទីរសៀល
ចំណាត់ថ្នាក់លេខ១៧៖ អ៊ូប៊ែគីស្ថាន
ចំណាត់ថ្នាក់លេខ១៥ ដល់១៦៖ ហុងកុង ប៉ះបង់ក្លាដែស
ចំណាត់ថ្នាក់លេខ១៣ ដល់១៤៖ កាហ្សាក់ស្ថាន ប៉ះអាហ្វហ្គានីស្ថាន
ចំណាត់ថ្នាក់លេខ១១ ដល់១២៖ ឥណ្ឌា ប៉ះអ៊ីរ៉ាក់
ការប្រកួតនេះមានក្រុមចូលរួមចំនួន១៦ក្រុម មកពីតំបន់នានាក្នុងទ្វីប បន្ទាប់ពីការដកខ្លួន ដោយក្នុងនោះមាន៖
ពូល A៖ ហុងកុង, អ៊ីរ៉ង់, អ៊ីរ៉ាក់
ពូល B៖ ជប៉ុន ថៃ អ៊ូប៊ែគីស្ថាន
ពូល C៖ ចិន ឥណ្ឌូណេស៊ី កាហ្សាក់ស្ថាន
ពូល D៖ ប៉ារ៉ែន និងតៃវ៉ាន់
ពូល E៖ អាហ្វហ្គានីស្ថាន ឥណ្ឌា កាតារ
ពូល F៖ បង់ក្លាដេស ប៉ាគីស្ថាន កូរ៉េខាងត្បូង
ពានរង្វាន់នេះបានកំណត់ថាក្រុមដែលចូលរួមនេះគឺមាន១ក្រុមជាប្រទេសម្ចាស់ផ្ទះ ហើយ១០ក្រុមជាសមាជិកកាលពីឆ្នាំចាស់ និង៥ក្រុមជាប្រទេសដែលខ្លាំងនៅតំបន់ក្នុងទ្វីបអាស៊ី។ នេះជាលើកទី៥ហើយដែលអ៊ីរ៉ង់ រៀបចំធ្វើជាម្ចាស់ផ្ទះ កម្រិតទ្វីប ខណៈ៤លើកកន្លងទៅធ្វើនៅទីក្រុង Tehranនិងលើកទី៥នេះធ្វើនៅទីក្រុង Urmia ចាប់ពីថ្ងៃទី១៩ដល់២៦ខែសីហា ឆ្នាំ២០២៣។
គួរបញ្ជាក់ថា តាំងពីរៀបចំដំបូងក្នុងឆ្នាំ១៩៧៥មក ប្រទេសជប៉ុន ជាអ្នកឈ្នះពានរង្វាន់នេះច្រើនជាងគេគឺរហូតដល់៩លើក ខណៈកូរ៉េខាងត្បូង និងអ៊ីរ៉ង់ ឈ្នះម្នាក់៤លើកស្មើគ្នា ចិនឈ្នះបាន៣លើក និងអូស្រ្តាលី ឈ្នះបាន១លើក។ ចំណែកប្រទេសតំបន់អាស៊ានចំនួន៣ធ្លាប់ធ្វើជាម្ចាស់ផ្ទះព្រឹត្តិការន៍កម្រិតទ្វីបនេះ ដោយថៃ ធ្វើឡើងនៅឆ្នាំ១៩៩៣និង២០០៥ ឥណ្ឌូណេស៊ី នៅឆ្នាំ២០០៧ និង២០១៧ និងហ្វីលីពីន នៅឆ្នាំ២០០៩៕
