ក្រុមជម្រើសជាតិអារ៉ាប៊ីសាអូឌីត បានប្រកាសតែងតាំងលោក Roberto Mancini ជាគ្រូបង្វឹកថ្មី កាលពីរាត្រីថ្ងៃទី២៧ ខែសីហា ដើម្បីជំនួសកៅអី Hervé Renard ត្រៀមសម្រាប់ពានរង្វាន់នាៗ នៅក្នុងឆ្នាំ២០២៣នេះ។
ស្នាដៃរបស់លោក Hervé Renard មុនចាកចេញពីក្រុមជម្រើសជាតិអារ៉ាប៊ីសាអូឌីត គឺយកឈ្នះអាហ្សង់ទីន យ៉ាងភ្ញាក់ផ្អើលបំផុត ក្នុងលទ្ធផល ២-១ តាមរយៈការស៊ុតដោយកីឡាករ Saleh Al Shehri និង Salem Al Dawsari នៅកីឡដ្ឋាន Lusail Iconic កាលពីថ្ងៃទី២២ ខែវិច្ឆិកា នៃព្រឹត្តិការណ៍បាល់ទាត់ពិភពលោក FIFA World Cup ឆ្នាំ២០២២ នៅប្រទេសកាតា។
គួរដឹងដែលថា World Cup ២០២២ នៅប្រទេសកាតា គឺជាការបង្ហាញខ្លួនទី៦ របស់ក្រុមជម្រើសជាតិអារ៉ាប៊ីសាអូឌីត ដោយពួកគេធ្លាប់បង្ហាញខ្លួនដំបូងនៅឆ្នាំ ១៩៩៤ បន្ទាប់មក ១៩៩៨, ២០០២, ២០០៦ និង ២០១៨។ អារ៉ាប៊ីសាអូឌីតធ្លាប់ឈានជើងដល់វគ្គ ១៦ក្រុមអំឡុងការបង្ហាញខ្លួនលើកដំបូងបង្អស់របស់ពួកគេ៕
ខណ:លោក Roberto Mancini គ្រូបង្វឹកវ័យ៥៨ឆ្នាំ បានប្រកាសលាលែងពីដំណែងជាអ្នកចាត់ការទូទៅរបស់អ៊ីតាលី បន្ទាប់ពីចាយពេលនៅទីនោះអស់រយ:ពេល៥ឆ្នាំ ជួយឲ្យអ៊ីតាលីគ្រងជើងឯកពានរង្វាន់ Euro ឆ្នាំ២០២០ ក្រោយយកឈ្នះម្ចាស់ផ្ទះអង់គ្លេស ដោយបាល់កាត់សេចក្តី១១ម៉ែត្រ ៣-២ វគ្គផ្តាច់ព្រ័ត្រនៅកីឡដ្ឋាន Wembley៕
