ជនរងគ្រោះជាអ្នករត់តុម្នាក់ត្រូវបានជនសង្ស័យមានគ្នាប្រហែល២០នាក់ប្រើហិង្សាដោយយកដាវកែច្នៃ កាប់ទៅលើ២កាំបិតបណ្តាលឲ្យរងរបួស។ ក្រោយបង្កហេតុក្រុមជនសង្ស័យបាននាំគ្នាគេចខ្លួនបាត់ស្រមោល។
ហេតុការណ៍នេះកើតឡើងនៅ ថ្ងៃទី២៨ ខែសីហា ឆ្នាំ២០២៣ វេលាម៉ោង ០១:៤០នាទីនៅចំណុច៖ ភូមិទួលត្នោត ឃុំគគីរ ស្រុកកៀនស្វាយ ខេត្តកណ្តាល ។
ប្រភពីពសមត្ថកិច្ចបានឲ្យដឹងថា ជនរងគ្រោះមានឈ្មោះ វឿន វណ្ណារ័ត្ន ភេទប្រុស អាយុ ១៩ឆ្នាំ ជនជាតិខ្មែរ មុខរបរ រត់តុ មានទីលំនៅភូមិចន្លក់ក្រៅ ឃុំគគីរ ស្រុកកៀនស្វាយ ខេត្តកណ្តាល ។
ចំណែកឯជនសង្ស័យមានគ្នាប្រហែល ២០នាក់ ភេទប្រុស ប៉ុន្តែគេមិនបានស្គាល់អត្តសញ្ញាណ នោះឡើយ ដោយសារពួកគេបាននាំគ្នាគេចខ្លួនអស់ក្រោយពីប្រព្រឹត្តរួច។
យោងតាមកំណត់ហេតុពីសមត្ថកិច្ចបង្ហាញថា នៅថ្ងៃទី២៨ ខែសីហា ឆ្នាំ២០២៣ វេលាម៉ោង ០១:០៥នាទី ជនរងគ្រោះចេញពីធ្វេីការ (អ្នករត់តុ) រួមជាមួយមិត្តភ័ក្តិជិះម៉ូតូមួយគ្រឿងម៉ាក HONDA DREAM C125 ស៊េរីឆ្នាំ២០២៣ ពណ៌ខ្មៅ (កាំបន្ទះពណ៌ស) ពាក់ផ្លាកលេខ កណ្តាល 1AQ-3922។
លុះដល់វេលាម៉ោង ០១:២០នាទី ថ្ងៃខែឆ្នាំដដែល ជនរងគ្រោះ ជិះមកដល់ចំណុចមុខវត្តជ្រោយអំពិល ឃេីញ ជនសង្ស័យមិនស្គាល់អត្តសញ្ញាណ មួយក្រុមមានគ្នាប្រហែល ២០នាក់ ជិះម៉ូតូប្រហែល ១៥ គ្រឿង អង្គុយនៅមុខក្លោងទ្វារវត្តជ្រោយអំពិល ពេលជនរងគ្រោះជិះមកហួសបន្តិច ស្រាប់តែក្រុមជនសង្ស័យ មិនស្គាល់អត្តសញ្ញាណ ជិះម៉ូតូដេញតាមពីក្រោយ ជនរងគ្រោះ ភ្លាមនោះជនរងគ្រោះភ័យបានបេីកម៉ូតូយ៉ាងលឿនជិះសំដៅទៅមុខទៀត ពេលជនរងគ្រោះជិះមកដល់ចំណុចក្នុងបន្ទាយទាហាន ស្ថិតនៅភូមិទួលត្នោត ឃុំគគីរ ស្រុកកៀនស្វាយ ខេត្តកណ្តាល ដល់ផ្លូវទាល់ជនរងគ្រោះផ្តួលម៉ូតូទៅដី ភ្លាមនោះ ជនសង្ស័យ ០៣នាក់ ភេទប្រុស មិនស្គាល់អត្តសញ្ញាណ ដៃមានកាន់ដាវកែឆ្នៃ ក្នុងម្នាក់ ០១ដេីម ចុះពីលេីម៉ូតូរួចដេីរសំដៅទៅកាប់ លេី ជនរងគ្រោះចំនួ ន ០២កាំបិត ត្រូវចំកំភួនដៃខាងស្តាំ ០១ កាំបិត និងកាប់ត្រូវចំក្បាលជង្គង់ខាង ឆ្វេង ០១ កាំបិត ទៀត ភ្លាមនោះជនរងគ្រោះរត់គេចចេញ ពីកន្លែងកើតហេតុ បន្ទាប់មកក្រុមជនសង្ស័យបានបន្តធ្វេីសកម្មភាពកាប់ទៅលេីម៉ូតូរបស់ជនរងគ្រោះបន្ថែមទៀតបណ្តាលឲ្យខូចខាត កុងទ័រ ០១កន្លែង, ក្បាំងខាងស្តាំ ០១កន្លែង, ចង្កៀងមុខ ០១កន្លែង, ស្តុបក្រោយ ០១កន្លែង និងកាតាប៊ូក្រោយ ០១កន្លែង ពេលធ្វេីសកម្មភាពរួចក្រុមជនសង្ស័យបាននាំគ្នាលើកម៉ូតូជនរងគ្រោះជិះយកមកទុកចោលនៅមុខផ្ទះត្រចៀកកាំ ស្ថិតនៅភូមិទួលត្នោត ឃុំគគីរ បន្ទាប់មកក្រុមជនសង្ស័យជិះម៉ូតូរត់គេចខ្លួនអស់។
លុះដល់ថ្ងៃទី២៨ ខែសីហា ឆ្នាំ២០២៣ វេលាម៉ោង ០៧:១០នាទី ជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលគគីរ ក្រោយពីទទួលបានពាក្យបណ្តឹងភ្លាមកម្លាំងប៉ុស្តិ៍នគរបាលរដ្ឋបាលគគីរ បានចុះទៅដល់កន្លែងកេីតហេតុ ធ្វេីការស្រាវជ្រាវ និងស្វែងរកមុខសញ្ញាជនសង្ស័យ ដេីម្បីយកមកចាត់ការតាមនីតិវិធី។
ក្រោយកើតមានករណីនេះ កម្លាំងផ្នែកជំនាញយុត្តិធម៌ស្រុកកៀនស្វាយ សហការណ៍ជាមួយកម្លាំងប៉ុស្តិ៍នគរបាលរដ្ឋបាលគគីរ កំពុងធ្វេីការស្រាវជ្រាវបន្តតាមរកមុខសញ្ញាជនសង្ស័យ ដេីម្បីចាត់ការតាមនីតិវិធី៕
អត្ថបទ៖តាខ្មៅ