សហព័ន្ធកីឡាបាល់ទាត់កម្ពុជា នៅថ្ងៃទី៣០ សីហានេះ បានបញ្ចេញតម្លៃសំបុត្រ ក្នុងការប្រកួតមិត្តភាពអន្តរជាតិ រវាងក្រុមជម្រើសជាតិកម្ពុជា ប្រកួតជាមួយហុងកុង នឹង ប្រកួត មិត្តភាព អន្តរជាតិទី២ ប្រកួតជាមួយម៉ាកាវ នៅថ្ងៃ FIFA Day។
សំបុត្រទស្សនាការប្រកួតមិត្តភាពអន្តរជាតិ “Vattanac International Friendly” កម្ពុជា ជួបហុងកុង ថ្ងៃទី០៧ កញ្ញា វេលាម៉ោង ៧:០០នាទីយប់ សំបុត្រនិងមានដាក់លក់នៅថ្ងៃទី០១ ខែកញ្ញា ឆ្នាំ២០២៣ ពហុកីឡដ្ឋានជាតិអូឡាំពិកចាប់ពីម៉ោង ៩ព្រឹកដល់ម៉ោង ៥ល្ងាច។
សំបុត្រទស្សនាការប្រកួតមិត្តភាពអន្តរជាតិ “Minebea Mitsumi International Friendly” កម្ពុជា ជួប ម៉ាកាវ ថ្ងៃទី១១ កញ្ញា ៧:០០នាទីយប់ សំបុត្រនិងមានដាក់លក់នៅថ្ងៃទី០៨ ខែកញ្ញា ឆ្នាំ២០២៣ ពហុកីឡដ្ឋានជាតិអូឡាំពិកចាប់ពីម៉ោង ៩ព្រឹកដល់ម៉ោង ៥ល្ងាច។
ចំពោះតម្លៃសំបុត្រមានដូចខាងក្រោម៖
-សំបុត្រប្រភេទ ១ Zone A មានតម្លៃ ៣០,០០០ រៀល
-សំបុត្រប្រភេទ ២ Zone B មានតម្លៃ ១៥,០០០ រៀល
ខាងក្រោមនេះគឺជាបញ្ជីរាយនាមកីឡាករជម្រើសជាតិកម្ពុជា សម្រាប់ការប្រកួតមិត្តភាពអន្តរជាតិនាថ្ងៃទី ០៧ និង ទី ១១ ខែកញ្ញា ឆ្នាំ២០២៣៖
ការប្រកួតមិត្តភាពកម្តៅសាច់ដុំអន្តរជាតិរវាងក្រុមជម្រើសជាតិកម្ពុជា ជាមួយក្រុមជម្រើសជាតិហុងកុង និង ម៉ាកាវ នេះ គឺដើម្បីពង្រឹងសមត្ថភាពក្រុម ក្នុងការត្រៀមខ្លួនសម្រាប់ការប្រកួតជម្រុះជើងឯកពិភពលោក World Cup ឆ្នាំ២០២៦ ដែលត្រូវជួបជាមួយប៉ាគីស្ថាន ជើងទី១ នៅថ្ងៃទី១២ ខែតុលា នៅទឹកដីកម្ពុជា និងជើងទី២ នៅថ្ងៃទី១៧ ខែតុលា ឆ្នាំ២០២៣៕
