សហព័ន្ធកីឡាបាញ់កាំភ្លើងកម្ពុជា បានបញ្ជូនកីឡាករ ១២នាក់ ចូលរួមការប្រកួតព្រឹត្តិការណ៍ការប្រកួតកីឡាបាញ់កាំភ្លើងអន្ដរជាតិ Bali IPSC Open 2023 (Level3) នៅប្រទេសឥណ្ឌូនេស៊ី ដែលប្រព្រឹត្តទៅកាលពីថ្ងៃទី២៦ ដល់ថ្ងៃទី២៨ ខែសីហា ឆ្នាំ២០២៣ នៅប្រទេស ឥណ្ឌូនេស៊ី។
នេះគឺជាបេសកកម្មដំបូងរបស់ក្រុមកីឡាបាញ់កាំភ្លើងកម្ពុជា ក្រោមការដឹកនាំ របស់ឯកឧត្តម សុខ ពុទ្ធិវុធ រដ្ឋលេខា ធិការក្រសួងប្រៃសណីយ៍ និងទូរគមនាគមន៍ បន្ទាប់ពីទទួលបានការគាំទ្រពីសមាជិកប្រតិបត្តិអាណត្តិថ្មី ត្រូវបានបោះឆ្នោតគាំទ្រធ្វើជាប្រធានសហព័ន្ធថ្មី ឆ្នាំ២០២២-២០២៦ កាលពីថ្មីៗកន្លងទៅ។
សហព័ន្ធកីឡាបាញ់កាំភ្លើងកម្ពុជា បានបញ្ជូនកីឡាករ ១២នាក់ ចូលរួមការប្រកួតមាន៖
១. យោង យួត – Open
២. កូវ ស្រ៊ុនឆាយ- Open
៣. លឹម ហ៊ួរនីតា – open
៤. ពៅ តិចឡេង – production
៥. ឈុន ដានិត – production
៦. គឹង វណ្ណម៉ា – Production Optics
៧. អាន កក្កដា – production optic
៨. ស៊ិន សូផានណាក់ – standard
៩. ធ្ធាំ បញ្ញារិទ្ធិ – Standard
១០. វង្ស ពង្សសក្ក័ – Standard
១១. កង ភីរក្សរិទ្ធិពល – standard
១២. ហូ សេងសិទ្ធីស័ក – standard Junior
ព្រឹត្តិការណ៍នេះ មានកីឡាករ កីឡាការិនី ៣៩០នាក់ មកពី១២ ប្រទេសចូលរួម មានប្រទេសអូស្រ្តាលី កាណាដា ហុងកុង ឥណ្ឌូនេស៊ី ថៃ កូរ៉េខាត្បូង ហ្វីលីពីន ស្លូវ៉ានា អាហ្វ្រីកខាងត្បូង អាមេរិក និងកម្ពុជា ប្រកួតលើ ១៨វិញ្ញាសា។
គួរបញ្ជាក់ថាក្រោមការដឹកនាំរបស់ឯកឧត្តម សុខ ពុទ្ធិវុធ ក្នុងអាណត្តិថ្មីបានដាក់គោលដៅចម្បង ក្រោមការដឹកនាំរបស់ឯកឧត្តម គឺបន្ដពង្រឹង សាមគ្គីផ្ទៃក្នុងសហព័ន្ធ ជាពិសេសយកចិត្តទុកដាក់ ក្នុងការជំរុញ និងផលិតធនធានកីឡាករគ្របវ័យប្រកបដោយសក្ដានុពល ធានាបាននូវការអភិវឌ្ឍន៍លឿន និងរីកចម្រើនដោយជំនាញដូចបណ្ដា ប្រទេសជិតខាង ដើម្បីត្រៀមចូលរួមប្រកួតប្រជែងទាំងថ្នាក់ជាតិ និងអន្ដរជាតិ៕
រូបភាព៖ Cambodia 2023