ក្លិបបាល់ទាត់ អង្គរថាយហ្គឺរ បានប្រកាសតែងតាំងលោក នី យុទ្ធ ជាគ្រូបង្គោល ( បណ្ដោះអាសន្ន) ដើម្បីត្រៀមបន្តសម្រាប់ការប្រកួតក្នុងពេលខាងមុខ នារដូវកាលឆ្នាំ២០២៣ បន្ទាប់ពីការចាក់ចេញរបស់គ្រូបង្វឹក Alistair Heath សញ្ជាតិអង់គ្លេស គិតត្រឹមសប្តាហ៍ទី៤ នៃលីគកំពូលកម្ពុជា រដូវកាល ២០២៣-២៤។
លោក Alistair Heath គ្រូបង្វឹកកម្រិត UEFA A-License វ័យ៣៧ឆ្នាំ ចូលកាន់តំណែងជាគ្រូបង្គោលជាមួយក្លិបបាល់ទាត់អង្គរថាយហ្គឺរ ដែលមានមូលដ្ឋាននៅខេត្តសៀមរាប កាលពីថ្ងៃទី១៤ ខែធ្នូ ឆ្នាំ២០២១ និងចុះចេញពីតំណែងនៅថ្ងៃទី១ ខែកញ្ញា ឆ្នាំ២០២៣។
ពាករង្វាន់លីគកំពូលកម្ពុជា ត្រូវបានសម្រាក ២សប្ដាហ៍ នឹងមានការប្រកួតវិញនៅថ្ងៃសៅរ៍ ទី១៦ ខែកញ្ញា ខាងមុខ។ ខណ:ជំនួបបន្ទាប់របស់ អង្គរថាយហ្គឺរ ត្រូវជួបជាមួយព្រះខ័នរាជស្វាយរៀង សប្ដាហ៍ទី៥ នៅកីឡដ្ឋានខេត្តស្វាយរៀង និងជួបព្រៃវែង នៅថ្ងៃសៅរ៍ ទី២៣ ខែកញ្ញា នៅកីឡដ្ឋានខេត្តព្រៃវែង៕
តារាងចំណាត់ថ្នាក់បណ្ដុះអាសន្ន ចប់សប្ដាហ៍ទី៤៖