ឆ្លងកាត់ ២០ប្រកួតកន្លងមក នៃពានរង្វាន់ Cambodian Premier League រដូវកាលឆ្នាំ២០២៣-២៤ ក្នុងនោះក្រុមទាំងអស់ ស៊ុបញ្ចូលទីគ្នាសរុបកើនដល់ ៦៧គ្រាប់ ខណ:មានកីឡាករ២រូបបានបង្កើតកំហុសធ្វើឲ្យមានគ្រាប់បាល់ចូលទីខ្លួនឯង (Own Goal) ចំនួន ២គ្រាប់។
កីឡាករ Own Goal កើនដល់ ២នាក់ នៅលីគកំពូលកម្ពុជា៖
កីឡាករ Bektur Amangeldiev សញ្ជាតិកៀហ្ស៊ីស៊ីស្ថាន របស់ណាហ្គាវើលដ៍ Own Goal នៅនាទី៤៤ ក្នុងជំនួបសប្ដាហ៍ទី២ ចាញ់វិសាខា ៤-១
កីឡាករ Chern Jinryeong សញ្ជាតិកូរ៉េខាងត្បូង របស់ អាយ អេស អាយ ដង្កោរសែនជ័យ Own Goal នៅនាទី៣០ ក្នុងជំនួបសប្ដាហ៍ទី៤ ចាញ់ព្រះខ័នរាជស្វាយរៀង ២-១
ក្រុមព្រៃវែង និងវិសាខា ជាក្រុមដែលរកគ្រាប់បាល់បាន ១២គ្រាប់មុនគេ ណាហ្គាវើលដ៍ រកបាន ៨គ្រាប់, ព្រះខ័នរាជស្វាយរៀង រកបាន ៧គ្រាប់, ភ្នំពេញក្រោន រកបាន ៧គ្រាប់, កងយោធពលខេមរភូមិន្ទ រកបាន ៤គ្រាប់, អង្គរថាយហ្គឺរ រកបាន ៣គ្រាប់, អាយ អេស អាយ ដង្កោរសែនជ័យ រកបាន ២គ្រាប់ និងគិរីវង់សុខសែនជ័យ រកបាន ២គ្រាប់។
ខណ:កីឡាករ DE OLIVEIRA BASTOS JONATA របស់វិសាខា និង MARCUS WARREN HABER របស់ព្រះខ័នរាជស្វាយរៀង គឺជាកីឡាករដែលជាប់ក្នុងតំណែងរកគ្រាប់បាល់បានគ្រប់ការប្រកួត ដោយឆ្លងកាត់៤ប្រកួតដូចគ្នាកន្លងមក បញ្ចប់សប្ដាហ៍ទី៤។ ងាកមកបេក្ខភាពកីឡាករឆ្នើមប្រចាំខែសីហា (CAMBODIAN PREMIER LEAGUE MVP OF THE MONTH ) ខណ:ចាន់ វឌ្ឍនាកា ជាកីឡាករខ្មែរតែម្នាក់គត់ដែលស្ថិតក្នុងចំណោមកីឡាករបរទេស ៧នាក់ផ្សេងទៀត។
ព្រះខ័នរាជស្វាយរៀង ឈរកំពូលនៅសប្ដាហ៍ទី១ សប្ដាហ៍ទី២ និងទី៣ វិសាខាគ្រងបាន ២សប្ដាហ៍ជាប់គ្នា នៅសប្ដាហ៍ទី៤ ព្រះខ័នរាជស្វាយរៀង ស្រវាកៅអីកំពូលតារាងវិញ។គ្រាប់បាល់សរុបកើនដល់ ៦៧គ្រាប់ ខណៈក្រុមព្រៃវែង និងវិសាខា ជាក្រុមដែលរកគ្រាប់បាល់បានលើសពី ១០គ្រាប់ ចប់សប្តាហ៍ទី៤៕
