តារារ៉េបលោក Lil Uzi Vert និងភរិយាលោក Elon Musk អ្នកស្រី Grimes កំពុងចាប់ផ្ដើមរត់ការឯកសារទិញភពផ្សេងមួយទៀត។ តាមរបាយការណ៍នេះបានឲ្យដឹងថា លោក Lil Uzi នឹងក្លាយជាម្ចាស់ភពដំបូងគេបង្អស់ក្នុងពិភពលោក។
ព័ត៌មាននេះត្រូវបានលាតត្រដាងនៅលើបណ្តាញសង្គម Twitter តាមរយៈការបង្ហោះពីគណនីភរិយាមហាសេដ្ឋី Elon Musk។
អ្នកស្រី Grimes បានបង្ហោះរូបភពដ៏ស្រស់ស្អាត ជាមួយនឹង Caption ថា ឥលូវនេះលោក Lil Uzi បានក្លាយជាម្ចាស់ភពដ៏ស្រស់ស្អាតនេះហើយ ខណៈនោះលោក Lil Uzi បានឆ្លើយតបលើនោះថា ភពនេះនិងធ្វើឲ្យមានការភ្ញាក់ផ្អើលដល់អ្នកទាំងអស់គ្នា ប៉ុន្ដែឯកសាររត់ការម្ចាស់កម្មសិទ្ធ នៅមិនទាន់បានជោគជ័យនោះទេ។ ប៉ុន្ដែប៉ុន្មានម៉ោងក្រោយមក អ្នកនាង Grimes បានចេញមកបញ្ជាក់ថា ឯកសារកាន់កាប់ជាផ្លូវការរបស់លោក Lil Uzi ជិតរួចរាល់ហើយ។
សូមជម្រាបថា តារារ៉េប និង អ្នកនិពន្ធសញ្ជាតិអាមេរិករូបនេះ បានដកខ្លួនពីវិស័យសិល្បៈជាយូរមកហើយ ទើបតែពេលនេះស្រាប់តែលេចចេញនូវព័ត៌មានទិញភពដ៏គួរឲ្យភ្ញាក់ផ្អើលនេះ។ ហើយទ្រព្យសម្បត្តិរបស់លោកឡើងចុះៗ ប៉ុន្តែទ្រព្យសម្បត្តិដែលលោកមានគឺមិនក្រោម ១០លានដុល្លានោះទេ៕
ប្រែសម្រួលដោយ៖ ជុំ ពេជ្រវណ្ណារ៉ា