រកឃើញហើយក្រុមខ្លាំងទាំង ៤ដែលឡើងទៅកាន់វគ្គពាកកណ្ដាលផ្ដាច់ព្រ័ត្រ ព្រឹត្តិការណ៍ប្រកួតបាល់បោះផ្នែកបុរស់លំដាប់ពិភពលោក ឆ្នាំ២០២៣ (2023 FIBA Basketball World Cup) គឺ ស៊ែប៊ី នឹងត្រូវជួបកាណាដា ខណ: សហរដ្ឋអាមេរិក នឹងជួបអាល្លឺម៉ង់។
កម្មវិធីប្រកួតវគ្គពានកណ្ដាលផ្ដាច់ព្រ័ត្រ (Semi-finals) ថ្ងៃទី០៨ កញ្ញា៖
-ស៊ែប៊ី ប៉ះកាណាដា វេលាម៉ោង ៤:៤៥នាទីល្ងាច នៅទីលាន Mall of Asia Arena ទីក្រុង Pasay
-សហរដ្ឋអាមេរិក ប៉ះអាល្លឺម៉ង់ វេលាម៉ោង ៨:៤០នាទីល្ងាច នៅទីលាន Mall of Asia Arena ទីក្រុង Pasay
កម្មវិធីប្រកួតយកចំណាត់ថ្នាក់លេខ៥ ដល់លេខ៨ ថ្ងៃទី០៧ កញ្ញា៖
-អ៊ីតាលី ប៉ះឡាតវី វេលាម៉ោង ៤:៤៥នាទីល្ងាច នៅទីលាន Mall of Asia Arena ទីក្រុង Pasay
-លីទុយអានី ប៉ះស្លូវេនី វេលាម៉ោង ៨:៣០នាទីល្ងាច នៅទីលាន Mall of Asia Arena ទីក្រុង Pasay
ដោយឡែកសម្រាប់ចំណាត់ថ្នាក់លេខ៩ និងលេខ៣២ បានរកឃើញរួចរាល់ហើយមានដូចខាងក្រោម៖
លេខ៩៖ អេស្ប៉ាញ, លេខ១០៖ អូស្ត្រាលី, លេខ១១៖ ម៉ុងតេណេហ្គ្រោ, លេខ១២៖ ព័រតូរីកូ, លេខ១៣៖ ប្រេស៊ីល, លេខ១៤៖ សាធារណរដ្ឋដូមីនីកែន, លេខ១៥៖ ក្រិក, លេខ១៦៖ ហ្សកហ្ស៊ី, លេខ១៧៖ ស៊ូដង់ខាងត្បូង, លេខ១៨៖ បារាំង, លេខ១៩៖ ជប៉ុន, លេខ២០៖ អេហ្ស៊ីប, លេខ២១៖ ហ្វាំងឡង់, លេខ២២៖ នូវែលសេឡង់, លេខ២៣៖ លីបង់, លេខ២៤៖ ហ្វីលីពីន, លេខ២៥៖ ម៉ិកស៊ិក, លេខ២៦៖ អង់ហ្គោឡា, លេខ២៧៖ កូតឌីវ័រ, លេខ២៨៖ Cape Verde, លេខ២៩៖ ចិន, លេខ៣០៖ វ៉េណេស៊ុយអេឡា, លេខ៣១៖ អ៊ីរ៉ង់ និងចុងក្រោយ លេខ៣២៖ ហ្ស៊កដានី។
ព្រឹត្តិការណ៍ប្រកួតបាល់បោះផ្នែកបុរស់លំដាប់ពិភពលោក ឆ្នាំ២០២៣ (2023 FIBA Basketball World Cup) ដែល ឥណ្ឌូណេស៊ី, ហ្វីលីពីន និងជប៉ុន កំពុងធ្វើសហម្ចាស់ផ្ទះ ចាប់ផ្ដើមប្រកួតកាលពីថ្ងៃទី២០ សីហា គ្រោងនឹងបញ្ចប់នៅថ្ងៃទី១០ កញ្ញានេះ។
ក្រុមដែលគ្រងជើងឯក និងក្រុមលេខ២ ក្នុងព្រឹត្តិការណ៍នេះ នឹងមានឈ្មោះទៅចូលរួមប្រកួតបាល់បោះនៅអូឡាំ ពិករដូវក្តៅឆ្នាំ ២០២៤ នៅទីក្រុមបារីស ប្រទេសបារាំង ចាប់ពីថ្ងៃទី២៧ ខែកក្កដាដល់ថ្ងៃទី១១ ខែសីហា ឆ្នាំ២០២៤ ខាងមុខ។
គួរបញ្ជាក់ថា ព្រឹត្តិការណ៍ប្រកួតបាល់បោះផ្នែកបុរស់លំដាប់ពិភពលោក World Cup បានធ្វើឡើងចំនួន១៩លើករួចមកហើយ ចាប់ពីឆ្នាំ១៩៥០ រហូតមកដល់ឆ្នាំ២០២៣នេះ ដោយសហរដ្ឋអាមេរិក ឈ្នះជើងឯកចំនួន ៥លើក យូហ្គោស្លាវី ចំនួន ៥លើក សហភាពសូវៀត ចំនួន ៣លើក ប្រេស៊ីល ចំនួន ២លើក អេស្បាញ ចំនួន ២លើក និងអាហ្សង់ទីន ចំនួន ១លើក៕
