សមាជិកក្រុមអ្នកគាំទ្រ «កងទ័ពអង្គរ» បានបង្ហាញអារម្មណ៍សប្បាយចិត្តនៅពេលបានចូលរួមទស្សនាការប្រកួតរបស់ក្រុមជម្រើសជាតិកម្ពុជា ប៉ះក្រុមហុងកុង កាលពីថ្ងៃទី៧ កញ្ញា កន្លងទៅ នឹងចង់ឱ្យជម្រើសជាតិកម្ពុជា មានការប្រកួតមិត្តភាពកាន់តែច្រើន និងជួបប្រទេសខ្លាំងៗផ្សេងទៀត។
ក្រុមជម្រើសជាតិកម្ពុជា បានប្រកួតស្មើ ១-១ ជាមួយកោះហុងកុង និងមានអ្នកចូលរួមទស្សនាផ្ទាល់នៅពហុកីឡដ្ឋានជាតិ ចំនួន ២ ១៦៦៧នាក់។ ខណ:ប្រកួតទី២ ក្រុមជម្រើសជាតិកម្ពុជា បានយកឈ្នះ ៤-០ លើក្រុមកោះម៉ាកាវ មានអ្នកចូលរួមទស្សនាផ្ទាល់នៅពហុកីឡដ្ឋានជាតិ ១ ៥២៨៥នាក់។
ជំនួបមិត្តភាព ទាំង២ប្រកួតរបស់ក្រុមជម្រើសជាតិកម្ពុជា មានភារៈកិច្ចសំខាន់ នៅចុងឆ្នាំនេះ ដោយត្រូវប្រកួត វគ្គជម្រុះបឋម នៃពានរង្វាន់បាល់ទាត់ពិភពលោក FIFA World Cup 2026 ដោយប៉ះក្រុមប៉ាគីស្ថាន ហើយក្រុមហុងកុង ស្ថិតក្នុងវគ្គចែកពូលជុំទី២ ប្រចាំទ្វីបអាស៊ី៕