សិប្បកម្ម សំណាង សុធា គឺទីកន្លែងកែច្នៃត្រីមួយកន្លែងស្ថិតនៅក្រុមទី៧ ភូមិអារញ្ញ សង្កាត់/ក្រុង សៀមរាប ខេត្តសៀមរាប ក្នុងមួយខែ សិប្បកម្មអាចផលិតត្រីងៀត បានជាមធ្យមចំនួន ២តោន។ ផលិតផលមានតម្លៃចាប់ពី ៦-១៥ដុល្លា/គីឡូក្រាម។ សិប្បកម្មកែច្នៃត្រី មានលទ្ធផលអាចផ្គត់ផ្គង់ទីផ្សារក្នុងស្រុកមួយចំនួន និងអាចនាំចេញទៅក្រៅប្រទេសបានថែមទៀតផង។
លោក យន់ សំណាង ម្ចាស់សិប្បកម្មកែច្នៃត្រីងៀត សំណាង សុធា បានមានប្រសាសន៍ថា៖«ខ្ញុំប្រកបរបររកស៊ីនៅក្នុងខេត្តសៀមរាប អស់រយៈកាលប្រមាណជិត ២០ឆ្នាំមកគិតចាប់តាំងពីឆ្នាំ២០០៣ ដោយផលិតនិងផ្គត់ផ្គង់ត្រីងៀត ត្រីប្រឡាក់ ប្រហុក គ្រឿងទេស និងផលិតផលត្រីកែច្នៃផ្សេងទៀត សម្រាប់ទីផ្សារខេត្តសៀមរាប រាជធានីភ្នំពេញ និងខេត្តក្បែរៗនេះ»។
លោកបានបន្តថា៖ នៅឆ្នាំ២០០៥ ដោយមានការណែនាំពីអង្គការមួយមកជួយបង្រៀនពីអនាម័យ ដើម្បីឲ្យចេះកែលំម្អការកែរច្នៃត្រីងៀត ឲ្យកាន់តែមានភាពល្អប្រសើរជាមួយមួយកម្រិតរហូតដល់ឆ្នាំ២០២១ លោកបានដាក់ពាក្យស្នើសុំការគាំទ្រពីគម្រោង CAPFishCapture រហូតទទួលបានយល់ ពេលចូលគម្រោងនេះលោកមិនដែលគិតថា បានទទួលលិខិតបញ្ជាក់ CQS ពេញលេញនោះទេ ប៉ុន្តែសិប្បកម្មគិតពីគុណភាព សុវត្ថិភាពអតិថិជនជាចំបងផ្ដោតទៅលើគុណភាព សុវត្ថិភាព និងការវិចខ្ចប់លើចំណីអាហារ។
ម្ចាស់សិប្បកម្មរូបនេះបញ្ជាក់ថា៖ «រហូតមកដល់ពេលនេះ មានអតិថិជនគាំទ្រច្រើន និងទទូលបានការទទួលស្គាល់ពីគុណភាពផលិតផល ដោយផលិតផលទាំងនេះ ត្រូវបានឈ្មួញកណ្ដាលនាំចេញ ក្រៅផ្លូវការទៅកាន់ប្រទេសកូរ៉េខាងត្បូង សហរដ្ឋអាមេរិក ណូវែលហ្សេឡង់ និងអូស្ត្រាលី ដែលមានសហគមន៍ជនជាតិខ្មែរកំពុងរស់នៅ»។
លោក យន់ សំណាង បានបន្ថែមថា៖ «សិប្បកម្មរបស់លោកក៏ផ្គត់ផ្គង់ផលិតផលពាក់កណ្ដាលសម្រេចទៅឱ្យសហគ្រាសកែច្នៃផលិតផលផលផ្សេងទៀតនៅក្នុងខេត្តសៀមរាប ភ្នំពេញ និងសហគ្រាស ដែលទទួលបានការគាំទ្រពីកម្មវិធី VCIS។ ត្រីងៀត និងត្រីប្រឡាក់ គឺជាផលិតផល ចម្បងរបស់សិប្បកម្មដោយប្រើប្រាស់ត្រីច្រើនប្រភេទខុសៗ រួមមាន ត្រីរ៉ស់ ត្រីឌៀប ត្រីប្រា និងត្រីអណ្តែងជាដើម»។
លោកបានបញ្ជាក់ថា ការរៀបចំ និងអនាម័យនៅទីតាំងសិប្បកម្មនេះ ត្រូវបានរៀបចំយ៉ាងល្អ ប៉ុន្តែកង្វះខាតសម្ភារៈ បរិក្ខារមួយចំនួនដូចជាទូបង្កក ទូលាងសម្អាតដៃ ប្រព័ន្ធទឹកស្អាត បន្ទប់ វេចខ្ចប់ និងបិតផ្លាកសញ្ញា នៅតែជាបញ្ហាប្រឈម។ កំណត់ត្រាអាជីវកម្ម ចំណេះដឹងស្តីពីការអនុវត្តសុវត្ថិភាពម្ហូបអាហារ ចាំបាច់ត្រូវពង្រឹងបន្ថែមក្នុងការធ្វើទីផ្សារ ផលិតផលខ្លួនចូលទៅកាន់ទីផ្សារក្នុងស្រុកដែលមានតម្លៃខ្ពស់ ក៏ដូចជាបម្រើឱ្យការនាំចេញ។
កិច្ចគាំទរបស់គម្រោង CAPFish ដល់សហគ្រាសតាមរយៈកម្មវិធីពន្លឿនរបស់កម្មវិធីគាំទ្រសហគ្រាសជលផលខ្នាតតូច និងមធ្យម (VCIS-FTS) គម្រោងបានផ្ដល់ការគាំទ្របច្ចេកទេសលើការរៀបចំអភិវឌ្ឍន៍អាជីវ កម្ម ការផ្សព្វផ្សាយនិងផ្សារភ្ជាប់ទីផ្សារ ស្លាកសញ្ញានិងការវេចខ្ចប់ ការធ្វើតេស្តគុណភាពផលិតផល និងបណ្តុះបណ្តាលដល់បុគ្គលិកស្តីពីប្រព័ន្ធវិញ្ញាបនប័ត្រ CQS ។
ប្រព័ន្ធវិញ្ញាបនបត្រ CQS គឺជាការជួយបំពេញបន្ថែមកិច្ចខិតខំប្រឹងប្រែងរបស់រាជរដ្ឋាភិបាល ក្នុងការលើក កម្ពស់សុវត្ថិភាពម្ហូបអាហារសម្រាប់មនុស្សគ្រប់រូប និងពង្រីកទីផ្សារនាំចេញ។ ប្រព័ន្ធវិញ្ញាបនបត្រCQS ជាកាបោះជំហានទៅមុខដ៏សំខាន់មួយរបស់កម្ពុជាក្នុងកាប្រែក្លាយខ្លួនទៅជាជើងក្នុងកាអនុលោមតាមលក្ខខណ្ឌតម្រូវនៃសុវត្ថិភាពម្ហូបអាហារ និងកាងារនេសាទប្រកបដោយនិរន្តភាពដែលផ្តល់អត្ថប្រយោជន៍បន្តដល់អ្នកប្រើប្រាស់ក្នុងស្រុក និងពាណិជ្ជកម្មជាលក្ខណៈអន្តរជាតិផងដែរ។
ក្រោមការគ្រប់គ្រងរបស់លោក យន់ សំណាង សិប្បកម្មកែច្នៃត្រី សំណាង សុធា គឺម្ចាស់អាជីវកម្ម ដែលអាចផលិតត្រីងៀត ត្រីប្រឡាក់ ត្រីឆ្អើរ និងប្រហុក ចំពោះត្រីងៀត អាចមានលទ្ធភាពផលិតបាន ២តោនក្នុងមួយខែ។ បច្ចុប្បន្នសិប្បកម្ម មានបុគ្គលិកចំនួន ១២នាក់ (ស្រី ៦នាក់) សម្រាប់ដៃគូអាជីវកម្មមាន អាជីវករលក់ត្រីស្រស់ និងអ្នកប្រមូលទិញ លេខទូរសព័ទំនាក់ទំនង៖ ០៩២ ២៦១ ២៤០៕
