ក្រុមបាល់ទះជម្រើសជាតិកម្ពុជា បានរងបរាជ័យក្រោមថ្វីដៃកូរ៉េខាងត្បូង ក្នុងលទ្ធផល ៣សិតទល់នឹង០ ព្រឹត្តិការណ៍ The 19th Asian Games Hangzhou នៅប្រទេសចិន នៅទីលាន Linping Sport Centre Gymnasium នៅរសៀលថ្ងៃទី២១ ខែកញ្ញា ឆ្នាំ២០២៣។
លទ្ធផលក្នុងព្រឹត្តិការណ៍ The 19th Asian Games Hangzhou ២០២៣ វិញ្ញាសារបាល់ទះផ្នែកបុរស៖
–កម្ពុជា ០-៣ ឥណ្ឌា (១៤-២៥, ១៣-២៥, ១៩-២៥)
–កូរ៉េខាងត្បូង ២-៣ ឥណ្ឌា (២៧-២៥, ២៧-២៩, ២២-២៥, ២៥-២០, ១៥-១៧)
–កម្ពុជា ០-៣ កូរ៉េខាងត្បូង (២៣-២៥, ១៣-២៥, ១៥-២៥)។
ព្រឹត្តិការណ៍នៃការប្រកួត Asian Games ឆ្នាំ២០២២ តែលើកមកធ្វើនៅឆ្នាំ២០២៣ ដែលប្រទេសចិនទទួលរៀបចំធ្វើជាម្ចាស់ផ្ទះ សម្រាប់វិញ្ញាសារបាល់ទះផ្នែកបុរស មាន១៩ប្រទេសចូលរួមប្រកួត ខណៈក្រុមជម្រើសជាតិកម្ពុជា ស្ថិតនៅពូល C ជាមួយក្រុមបាល់ទះឥណ្ឌា និង កូរ៉េខាងត្បូង។
ព្រឹត្តិការណ៍ 2022 Asian Games នឹងធ្វើឡើងនៅទីក្រុង Hangzhou ប្រទេសចិន ចាប់ពីថ្ងៃទី២៣ ខែកញ្ញា ឆ្នាំ២០២៣ រហូតដល់ថ្ងៃទី៨ ខែតុលា ឆ្នាំ២០២៣ លើ៤៨២វិញ្ញាសា ៤០ប្រទេសកីឡា។
ព្រឹត្តិការណ៍កីឡាកម្រិតទ្វីបអាស៊ី Asian Games រៀបចំឡើងដំបូងតាំងពីឆ្នាំ១៩៥១ មកម៉្លេះ ពោលគឺរាល់៤ឆ្នាំម្តង ស្របពេលដែលឆ្នាំ២០២៣ នេះគឺជាលើកដំបូងហើយ ក្រោយចប់សង្គ្រាម ដែលកម្ពុជាបានចូលរួម ខណៈកាលពីឆ្នាំ១៩៧០ កម្ពុជាធ្លាប់ឡើងដល់វគ្គពាកើកណ្តាលផ្តាច់ព្រ័ត្រ ប៉ុន្តែកាលនោះកម្ពុជា បានត្រឹមទទួលចំណាត់ថ្នាក់លេខ៤ ដែលប្រទេសថៃ ជាម្ចាស់ផ្ទះ៕
