ល្ងាចនេះសមាគមកីឡាបាល់ទាត់កងយោធពលខេមរភូមិន្ទ (Tiffy Army FC) នឹងត្រូវប៉ះម្ចាស់ផ្ទះបឹងកេត នៅពហុកីឡដ្ឋានជាតិ (ស្តាតអូឡាំពិក) សម្រាប់ជំនួបសប្ដាហ៍ទី៦ នៃពានរង្វាន់លីគកំពូលកម្ពុជា Cambodian Premier League រដូវកាលឆ្នាំ២០២៣-២៤។
មុនជួបគ្នាល្ងាចនេះគ្រូបង្គោលក្លិបTiffy Army លោក ភា សុភ័ត្រ្តា បង្ហាញចំណាប់អារម្មណ៍ជុំវិញការត្រៀមខ្លួនថា៖ «សម្រាប់ការប្រកួតពីមួយប្រកួតទៅមួយប្រកួត Tiffy Army កាន់តែប្រសើរឡើង ក្រៅពីលទ្ធផល គឺពាក់ព័ន្ធនិងជំនឿជឿជាក់រវាងគ្រូ និងកីឡាករ ទី១ កីឡាករជឿលើក Game Plan របស់គ្រូ និងទី២ ខ្ញុំជឿជាក់លើកកម្រិតការលេងរបស់ពួកគាត់»។
ខាងក្រោមនេះជាចំណាប់អារម្មណ៍ទាំងស្រុងរបស់លោក ភា សុភ័ត្រ្តា គ្រូបង្គោក្លិបTiffy Army ៖
បច្ចុប្បន្ន Tiffy Army ឈរនៅចំណាត់ថ្នាក់លេង៥ ដោយឆ្លងកាត់ ៥ប្រកួត ឈ្នះ២ ស្មើ ១និងចាញ់ ២ មាន ៧ពិន្ទុ។ ខណ:បឹងកេត ឈរចំណាត់ថ្នាក់ ៣ ឆ្លងកាត់ ៥ប្រកួត ឈ្នះ ៣ ស្មើ ១ ចាញ់ ១ មាន ១០ពិន្ទុ៕