ការប្រកួតពានរង្វាន់ Cambodian League 2 បានបញ្ចប់ការប្រកួតសប្តាហ៍ទី២ ហើយកាលពីថ្ងៃទី២៥ ខែកញ្ញា ឆ្នាំ២០២៣ កន្លងទៅ ក្នុងនោះឃើញថា ក្រុមវិសាខា គឺជាក្រុមតែមួយគត់ ដែលមិនទាន់ទទួលបានកាតពិន័យពីអាជ្ញាកណ្ដាលចំនួន ៨រូប ខណ:កាតដែលចេញពីសំណាក់អាជ្ញាកណ្ដាមានចំនួន ២១កាត។
ទន្នន័យក្រុមដែលបានពិន័យកាតគិត្រឹមសប្ដាហ៍ទី២៖
- ឡាយហ្វ ខេត្តព្រះសីហនុ ទទួលបានកាត ៤សន្លឹក កាតក្រហម ១សន្លឹក
- ក្លិបបាល់ទាត់ អង្គរស៊ីធី ទទួលបានកាត ៤សន្លឹក កាតក្រហម គ្មាន
- សមាគមកីឡាបាល់ទាត់ យុវជន ខ.ភ.ម (ខ) ទទួលបានកាត ៤សន្លឹក កាតក្រហម គ្មាន
- ក្លិបបាល់ទាត់សៀមរាប ទទួលបានកាត ៤សន្លឹក កាតក្រហម ១សន្លឹក
- សមាគមកីឡាបាល់ទាត់ក្រសួងមហាផ្ទៃ ទទួលបានកាត ២សន្លឹក កាតក្រហម គ្មាន
- មជ្ឈមណ្ឌល និងសាលាកីឡាបាល់ទាត់ជាតិ អាយុក្រោម១៨ឆ្នាំ ទទួលបានកាត ២សន្លឹក កាតក្រហម គ្មាន
- អាយ អេស អាយ ដង្កោសែនជ័យ “ខ” ទទួលបានកាត ១សន្លឹក កាតក្រហម គ្មាន
- ក្លិបកីឡាបាល់ទាត់ វិសាខា(ខ) គ្មានកាតពិន័យ
ឆ្លងកាត់ការប្រកួតសប្ដាហ៍ទី២ រួចមក ក្រុមវិសាខា (ខ) ដែលមានមូលដ្ឋាននៅរាជធានីភ្នំពេញ ជាក្រុមដែលមិនទាន់ចាញ់ ហើយបន្តឈរកំពូលតារាង គិតត្រឹមសប្តាហ៍ទី២ ក្រោយឆ្លងកាត់២ប្រកួត ឈ្នះទាំង ២ប្រកួត មាន៦ពិន្ទុ។
ពានរង្វាន់ Cambodian League 2 រដូវកាលឆ្នាំ២០២៣-២៣ បានចាប់ផ្តើមការប្រកួតពីថ្ងៃទី១៦ ខែកញ្ញា ឆ្នាំ២០២៣ រហូតដល់ខែមិនា ឆ្នាំ២០២៤ មាន៨ក្រុមចូលរួមប្រកួត ប្រើប្រាស់រូបមន្តប្រកួតវិលជុំសន្សំពិន្ទុហើយក្រុមដែលមានភាគរយពិន្ទុខ្ពស់ជាងគេនឹងក្លាយជាម្ចាស់ពានរង្វាន់ប្រចាំរដូវកាល២០២៣-២៤៕