អតីតខ្សែក្រុមជម្រើសជាតិកម្ពុជា ឃួន ឡាបូរ៉ាវី បានជាសះស្បើយពីជំងឺកូវីដ-១៩ ហើយ ក្រោយសម្រាកព្យាបាលអស់ប្រមាណ១៣ថ្ងៃនៅនៅមណ្ឌលព្យាបាលអ្នកជំងឺកូវីដ-១៩ កម្រិតស្រាលព្រែកព្នៅ ក្នុងរាជធានីភ្នំពេញ។
សំណេរនៅលើហ្វេសប៊ុករបស់ខ្លួននៅព្រឹកថ្ងៃចន្ទ ទី២៦ ខែកក្កដា ឆ្នាំ២០២១ នេះ ឃួន ឡាបូរ៉ាវី បញ្ជាក់ថា៖«ក្រុមគ្រួសាររបស់ខ្ញុំ បានជាសះស្បើយ ហើយបានត្រឡប់មកផ្ទះវិញទាំងអស់គ្នាហើយសូមអរគុណក្រុមគ្រូពេទ្យដែលបានព្យាបាលពួកគាត់អោយបានជាសះស្បើយនិងអរគុណរាជរដ្ឋាភិបាលដែលបានផ្តល់កន្លែងសំរាកព្យាបាលរួមទាំងអាហារផងដែរហើយក៏សូមអរគុណដល់បងប្អូនដែលបានជូនពរអោយពួកគាត់កន្លងមក»។
សូមបញ្ជាក់ថានៅថ្ងៃទី១៤ ខែកក្កដា ឆ្នាំ២០២១ ថ្មីៗនេះ ឃួន ឡាបូរ៉ាវី បានបង្ហោះលើហ្វេសប៊ុកថាក្រុមគ្រួសារខ្លួនមានវិជ្ជមានជំងឺកូវីដ-១៩ ស្របពេលដែលមានសមាជិករហូតដល់៦នាក់ ក្នុងនោះមានភរិយា និងកូនរបស់គេ២រូបទៀតផង៕