ក្លិបបាល់ទាត់ភ្នំពេញក្រោន នឹងបើកទ្វាកីឡដ្ឋានជាតិ (ស្តាតអូឡាំពិច) ក្នុងប្រកួតទី២ ដោយជួបជាមួយ Shan United នៅថ្ងៃទី០៥ តុលានេះ វេលាម៉ោង ០៧:០០នាទីយប់ នៅវគ្គជម្រុះពូល F នៃពានរង្វាន់ AFC Cup 2023/24។
ដោយលែកសម្រាប់ការប្រកួតទី១ របស់ក្លិបបាល់ទាត់ភ្នំពេញក្រោន បានយកឈ្នះក្រុម Dynamic Herb Cebu របស់ហ្វីលីពីន ក្នុងលទ្ធផល ៣ទល់និង០ នារាត្រីថ្ងៃទី២១ ខែកញ្ញា នៅកីឡដ្ឋាន Rizal Memorial នៅប្រទេសហ្វីលីពីន។
ក្លិបបាល់ទាត់ភ្នំពេញក្រោន របស់កម្ពុជា ស្ថិតពូលជា F ជាមួយក្រុម Macarthur FC របស់ អូស្ត្រាលី Dynamic Herb Cebu របស់ហ្វីលីពីន និង Shan United របស់មីយ៉ាន់ម៉ា វគ្គចែកពូល AFC Cup 2023/24 តំបន់អាស៊ាន។
កម្មវិធីប្រកួតបន្តរបស់ភ្នំពេញក្រោន ៖
- ប្រកួតទី៣៖ ភ្នំពេញក្រោន ជួប Macarthur FC ថ្ងៃទី២៦ តុលា នៅពហុកីឡាជាតិ វេលាម៉ោង ០៧:០០នាទីយប់
- ប្រកួតទី៤៖ Macarthur FC ជួប ភ្នំពេញក្រោន ថ្ងៃទី០៩ វិច្ឆិកា នៅកីឡដ្ឋាន THUWUNNA STADIUM (YANGON) វេលាម៉ោង ០៧:០០នាទីយប់
- ប្រកួតទី៥៖ ភ្នំពេញក្រោន ជួប Dynamic Herb Cebu ថ្ងៃទី៣០ វិច្ឆិកា នៅកីឡដ្ឋាន Smart RSN វេលាម៉ោង ០៧:០០នាទីយប់
- ប្រកួតទី៦៖ Shan United ជួប ភ្នំពេញក្រោន នៅកីឡដ្ឋាន RIZAL MEMORIAL SPORTS COMPLEX (MANILA) វេលាម៉ោង ០៧:០០នាទីយប់
ចំពោះលក្ខន្តិកៈនៃការប្រកួតគឺលេងក្នុងដីក្រៅដី (Home-Away) សរុប៦ប្រកួត ខណ:ក្រុមលេខ១ តាមពូលនីមួយៗនឹងឡើងទៅកាន់វគ្គពាក់កណ្ដាលផ្ដាច់ព្រ័ត្រ ASEAN ZONE និងក្រុមលេខ២ល្អ។
គួរបញ្ជាក់ថា ពានរង្វាន់នេះបែងចែកជាតំបន់ចំនួន៥ មានអាស៊ីខាងលិច អាស៊ីខាងកើត អាស៊ីកណ្តាល អាស៊ីខាងត្បូង និងអាស៊ីអាគេ្នយ៍ ខណ:តំបន់អាស៊ាន ASEAN ZONE (ពូល F,G,H) ការប្រកួតទី១ គ្រោងនឹងធ្វើឡើងចន្លោះថ្ងៃទី១៨ រហូតដល់ថ្ងៃទី២១ ខែកញ្ញ ឆ្នាំ២០២៣៕