ម្ចាស់ផ្ទះវៀតណាម ក្លាយជាម្ចាស់ជើងឯក ក្នុងព្រឹត្តិការណ៍ប្រកួតកីឡាបាល់ទះពានរង្វាន់កងទ័ពអាស៊ាន ឆ្នាំ២០២៣ (Asean Armies Volleyball Tournament 2023) បន្ទាប់ពីយកឈ្នះក្រុមទ័ពថៃ ក្នុង លទ្ធផល៣សិតទល់និង១ (២៥-២៣, ២៦-២៨, ២៥-១៨, ២៥-២៣) នៅទីលានយោធភូមិភាគទី៧ ក្នុងទីក្រុងហូជីមិញ នាល្ងាចថ្ងៃទី៨ ខែតុលា។
ចំណាត់ថ្នាក់លេខ១ ដល់លេខ៤ រួមមាន៖
- ជើងឯក៖ ម្ចាស់ផ្ទះវៀតណាម
- លេខ២៖ កងទ័ពថៃ
- លេខ៣៖ កងទ័ពឥណ្ឌូណេស៊ី
- លេខ៤៖ កងទ័ពឡាវ
ដោយឡែកសម្រាប់ក្រុមទ័ព កម្ពុជា ធ្លាក់ត្រឹមវគ្គចែកពូល បន្ទាប់ពីប្រកួតជម្រុះក្នុងពូលចាញ់ម្ចាស់ផ្ទះម្ចាស់ផ្ទះវៀតណាម ៣-០ និងចាញ់ឡាវ ៣-២។ ក្នុងការប្រកួតនេះ ក្រៅពីវៀតណាមដែលជាម្ចាស់ផ្ទះ ក៏មានការចូលរួមពីក្រុមមកពីប្រទេសចំនួន ៦ ផងដែររួមមាន៖ ថៃ ម៉ាឡេស៊ី ឡាវ កម្ពុជា ឥណ្ឌូនេស៊ី និងហ្វីលីពីន។
ព្រឹត្តិការណ៍ប្រកួតកីឡាបាល់ទះពានរង្វាន់កងទ័ពអាស៊ាន ឆ្នាំ២០២៣ Asean Armies Volleyball Tournament 2023 ដើម្បីរួមចំណែកផ្សព្វផ្សាយ និងបង្កើនទំនាក់ទំនងសហប្រតិបត្តិការ សាមគ្គីភាព និងការយល់ដឹងគ្នាទៅវិញទៅមករវាងកងទ័ព និងបណ្តាប្រទេសអាស៊ានក្នុងស្មារតី “កីឡាតភ្ជាប់ចំណងមិត្តភាព”។
វៀតណាម បានរៀបចំធ្វើជាម្ចាស់ផ្ទះ ព្រឹត្តិការណ៍ប្រកួតកីឡាបាល់ទះពានរង្វាន់កងទ័ពអាស៊ាន ឆ្នាំ២០២៣ Asean Armies Volleyball Tournament 2023 ការប្រកួតបានធ្វើឡើងចាប់ពីថ្ងៃទី១ ដល់ថ្ងៃទី៨ ខែតុលា ឆ្នាំ២០២៣៕
រូបថត&Art Work៖ AAVT