សិល្បៈអន្តរជាតិ៖ អស់រយៈពេលជិត១ខែហើយដែលតារាចម្រៀង-តារាសម្ដែង Ariana Grande បានដាក់ពាក្យលែងលះពីអតីតស្វាមី Dalton Gomez យ៉ាងណាតារារូបនេះត្រូវបង់ប្រាក់ទៅតាមការទាមទាររបស់អតីតស្វាមីដើម្បីឈានទៅដល់កិច្ចព្រមព្រៀងលែងលះ។
តារាស្រីវ័យ៣០អាចបញ្ចប់នីតិវិធីលែងលះពីអតីតស្វាមី Dalton Gomez បានភ្លាមៗបន្ទាប់ពីនាងបង់ប្រាក់ចំនួន១លាន២សែនដោយមិនគិតបញ្ចូលពន្ធដល់អតីតស្វាមី។ ជាងនោះទៀត Dalton នឹងមិនទទួលបានប្រាក់ឧបត្ថម្ភប្រចាំខែនោះឡើយព្រោះលោកបើកប្រាក់មុន។ លើសពីនេះទៀត Dalton ក៏នឹងទទួលបានប្រាក់ពាក់កណ្ដាលទៀតពីការលក់អចលនទ្រព្យ របស់ពួកគេនៅក្រុង Los Angeles។ កាន់តែពិសេសទៀតនោះ Dalton មិនបាច់ចាយប្រាក់ឱ្យមេធាវីនោះឡើយ ព្រោះ Araina បានយល់ព្រមបង់ប្រាក់ចំនួន២ម៉ឺន៥ពាន់ដុល្លារ ឱ្យទៅមេធាវីដែលរត់ការឱ្យ Dalton ថែមទៀត។
«រវាងអ្នកទាំងពីរនោតែមានការស្រលាញ់និងគោរពចំពោះគ្នាទៅវិញទៅមក ហើយពួកគេចង់ឱ្យអ្វីៗគ្រប់យ៉ាងដំណើរទៅបានយ៉ាងត្រឹមត្រូវ» នេះបើតាមប្រភពជិតស្និទ្ធប្រាប់សារព័ត៌មាន TMZ
គួររំលឹកជាថ្មីថា Ariana Grande និង Dalton Gomez បានរៀបការត្រឹមតែ២ឆ្នាំគត់ មុននឹងតារាចម្រៀងស្រីសម្រេចចិត្តដាក់ពាក្យប្ដឹងលែងលះអតីតស្វាមីកាលពីជិត១ខែមិន ហើយចង់ឱ្យដំណើរការច្បាប់បានលឿន និងបែកគ្នាដោយសន្តិវិធី។ តាមរយៈឯកសារលែងលះកាលបរិច្ឆេទបែកគ្នាត្រូវបានកត់ត្រាបញ្ចូលនៅថ្ងៃទី២០ ខែកុម្ភៈ៕