វីរៈកីឡាករជម្រើសជាតិម៉ូតូទឹកកម្ពុជា លោក សាលី អ៊ូមើត ដែលត្រូវបានប្រធានក្រុមម៉ូតូទឹកកម្ពុជា បាន ចាត់ទុកកីឡាករម៉ូតូទឹកកម្ពុជា សាលី ហ្វីលីន ជា Golden Boy បន្ទាប់ពីដណ្ដើមបានមេដាយ ៥គ្រឿងម្នាក់ឯង បំបែកកំណត់ ត្រា ប្រវត្តិសាស្ដ្រ និងសាងភ្ញាក់ផ្អើលជាខ្លាំងក្នុងព្រឹត្តិការណ៍ពិភព លោកក្នុងកម្មវិធី WGP1. WATER JET WORLD SERIES 2023 នៅអាមេរិក ។
ក្នុងនោះកីឡាករម៉ូតូទឹកកម្ពុជា សាលី ហ្វីលីន បានដណ្ដើមបានមេដាយ រួមមានមេដាយមាស ២ គ្រឿង ប្រាក់ ២ គ្រឿង និងសំរឹទ្ធ ១ គ្រឿង។ បញ្ចប់ព្រឹត្តិការណ៍ កីឡាម៉ូតូទឹកកម្ពុជា បានដណ្ដើមបានមេដាយរហូតដល់ ៩គ្រឿង ដ្បិតកន្លងមក ខ្លួន និងសិស្សប្អូន ម៉ីន មូស្ដាន់ ដណ្ដើមបានមេដាយយ៉ាងច្រើនម្នាក់មួយ ឬ ២គ្រឿងប៉ុណ្ណោះ។
លើសពីនេះ កំឡុងពេលប្រកួត ក្នុងនាមកីឡាករវ័យក្មេងជាងគេ ក្នុងវិញ្ញាសាប្រកួតរបស់ខ្លួន ហ្វីលីន បានប្រើបច្ចេកទេសដ៏ប៉ិនប្រសព្វ ដើម្បីប្រជែង និងវ៉ាដៃគូប្រកួត ដែលមានកម្រិតពិភពលោកម្ដងមួយៗ ធ្វើឲ្យគណៈ កម្មការ រៀបចំ និងទស្សនិកជន មានការភ្ញាក់ផ្អើលជាខ្លាំង បន្ទាប់ ពីមានការប្រកាសពីភាពអស្ចារ្យរបស់កីឡាករខ្មែរឥស្លាមរូបនេះ ស្ទើរៀងរាល់ថ្ងៃ។
ព្រឹត្តិការណ៍ Water Jet World Series ឆ្នាំ២០២៣ ជុំទី៣ នៅសហរដ្ឋអាមេរិក នឹងបានទៅដល់កាលពីថ្ងៃទី២៤ ខែកញ្ញា កន្លងទៅ ចាប់ផ្ដើមប្រកួតពីថ្ងៃទី០៤ ដល់ថ្ងៃទី០៨ ខែតុលា ឆ្នាំ២០២៣ ដោយកីឡាករ សាលី អ៊ូមើត បានដឹកនាំកីឡាករវ័យក្មេង ៨រូបចូលរួមប្រកួត ក្នុងនោះមានកីឡាករ ៥រូបត្រូវធ្វើការប្រកួត និងកីឡាករថ្នាល ៤រូបទៀត ចូលរួមរៀនសូត្រ និងដកស្រង់បទពិសោធន៍ពីព្រឹត្តិការណ៍លំដាប់ពិភពលោកនេះ៕
ប្រភព៖ NOCC
