សហព័ន្ធកីឡាបាល់តទាត់កម្ពុជា បានប្រកាសជាផ្លូវការនៅព្រឹកថ្ងៃទី១១ ខែតុលានេះ ផ្ដល់សញ្ជាតិខ្មែរ ជាផ្លូវការដល់ខ្សែប្រយុទ្ធ Privat Mbarga។
Privat មានដើមកំណើតកាមេរូន អតីតសមាជិករបស់ក្លិបបាល់ទាត់ព្រះខ័នរាជស្វាយរៀងនេះក្លាយជាកីឡាករចូលសញ្ជាតិទីពីររបស់កម្ពុជា បន្ទាប់ពីកីឡាករដើមកំនើតជប៉ុន Yudai Ogawa ដើម្បីត្រៀមជួយក្រុមជម្រើសជាតិកម្ពុជា ប្រកួតជាមួយប៉ាគីស្ថាន ជម្រុះបាល់ទាត់ពិភពលោក២០២៦។
រំលឹកថា ខ្សែប្រយុទ្ធដើមកំណើតម៉េរូន បានមកដល់កម្ពុជាដំបូងនៅឆ្នាំ២០១៣ ដោយចូលរួមជាមួយបឹងកេត មុននឹងផ្ទេរទៅកាន់ វេស្ទើន នៅឆ្នាំ២០១៤ ដល់ឆ្នាំ២០១៥ ហើយជើងទី២ បានផ្ទេរទៅអង្គរថាយហ្គឺរ និង ណាហ្គាវើលដ៍ ឆ្នាំ២០១៧ មុននឹងទៅលេងនៅលីគកំពូលថៃ ជាមួយក្លិបSamut Prakan ដោយត្រលប់មក កម្ពុជា វិញនៅឆ្នាំ ២០១៨ ជាមួយអាស៊ីអឺរ៉ុប (AEU) ។
មុនផ្ទេរទៅចូលរួមជាមួយក្លិបបាល់ទាត់របស់ប្រទេសឥណ្ឌូនេស៊ី Bali United Fcនៅចុងឆ្នាំ២០២១ ខ្សែប្រយុទ្ធ Privat Mbarga បានចូលរួមជាមួយព្រះខ័នរាជស្វាយរៀង អស់រយ:ពេលជិត ៣ឆ្នាំពោលគិតចាប់តាំងពីឆ្នាំ២០១៩ ហើយក៏បានជួយឲ្យក្លិបឈ្នះជើងឯកក្របខណ្ឌកំពូលកម្ពុជាផងដែរ។
ខ្សែប្រយុទ្ធសញ្ជាតិដើមកាមេរូន មានឈ្មោះពេញ Jean Marie Privat Befolo Mbarga កើតនៅថ្ងៃទី៧ ខែមករា ឆ្នាំ១៩៩២ នៅក្នុងទីក្រុង Douala ប្រទេសកាមេរ៉ូន បច្ចុប្បន្នមាវ័យ ៣១ឆ្នាំ មានកម្ពស់ ១,៦៨ម៉ែត្រ បច្ចុប្បន្នកំពុងប្រគបអជីពក្នុងក្លិបបាល់ទាត់ Bali United Fc សមាជិកលីគកំពូលឥណ្ឌូនេស៊ី៕
