សិល្បៈជាតិ៖ កាលពីពេលថ្មីៗនេះ ដួង វីរៈសិទ្ធិនិងម៉ម ពេជ្ជរិទ្ធ បានច្រៀងរួមគ្នា នៅក្នុងកម្មវិធីមួយ ហេតុតែទឹកដមសំឡេងរបស់បងប្អូនទាំងពីរពីរោះរណ្ដំរហូត អង្រួនបេះដូងអ្នកគាំទ្រឱ្យធ្លាក់ក្នុងមន្តសណ្ដំនៃទឹកដមសំឡេងដ៏មានមន្តស្នេហ៍។
ជាការពិតណាស់បងប្អូនបង្កើតដែលមានឈាមជ័រជាអ្នកសិល្បៈតាំងពីកំណើតព្រោះបានទទួល DNA សិល្បៈពីអ្នកមានគុណត្រូវបានអ្នកគាំទ្រកត់សម្គាល់ឃើញថាជាតារាចម្រៀងដែលនិយមបង្ហើសំនៀងតាមរយៈបទចម្រៀងមនោសញ្ចេតនា។ ឧទាហរណ៍ដូចជានៅក្នុងកម្មវិធីប្រគំតន្ត្រីមួយតារាទាំងពីរដួងបានលើកយកបទ «ស្នូទឹកភ្លៀងធ្លាក់ & ប្រយោគស្នេហ៍» មកប្រគំ ដោយដួង វីរៈសិទ្ធដេញហ្គីតា ចំណែក ម៉ម ពេជ្ជរិទ្ធចុចអក ព្រមទាំងច្រៀងបានយ៉ាងពីរោះ ធ្វើឱ្យអ្នកទស្សនាទាំងផ្ទាល់ និងតាមរយៈវីដេអូ សុទ្ធតែនិយាយដូចៗគ្នាថា «ពីរោះណាស់» ថែមទាំងមានអ្នកខ្លះ សំណូមពរចង់ឱ្យបងប្អូនទាំងពីរបង្កើតជាក្រុមចម្រៀងច្រៀងរួមគ្នាទៀតផង៕
ចង់ដឹងថាពីរោះរណ្ដំប៉ុណ្ណាសូមទស្សនាវីដេអូខាងក្រោម៖