នៅព្រឹកថ្ងៃពុធ ទី១១ ខែតុលា ឆ្នាំ២០២៣ ប្រធានក្លិបបាល់ទាត់អង្គរថាយហ្គឺរ លោក Akihiro Kato បានថ្លែងលើគណនីហ្វេសប៊ុកផ្ទាល់ខ្លួនថាលោកអន់ចិត្តនឹងការប្តូរកម្មវិធីប្រកួតរបស់ CPL ចំថ្ងៃអញ្ជើញភ្ញៀវ VIP ពីប្រទេសជប៉ុន ចូលទស្សនានៅកម្ពុជា។
លោក Akihiro Kato បានថ្លែងដូច្នេះថា៖«ការប្រកួតលីគកំពូលកម្ពុជា ត្រូវបានផ្លាស់ប្តូរដោយបង្ខំពីថ្ងៃទី២១ ទៅថ្ងៃទី២២ ខែតុលា ស្របពេលដែលយើងបានអញ្ជើញសមាជិក VIP ជាច្រើននាក់មកពីប្រទេសជប៉ុន សម្រាប់ដំណើរកម្សាន្តនៅទីក្រុងភ្នំពេញ និងខេត្តសៀមរាប ហើយយើងបានស្នើសុំម្តងហើយម្តងទៀតទៅ CPL កុំឱ្យផ្លាស់ប្តូរកម្មវិធីប្រកួតឡើងវិញ ប៉ុន្តែពួកគេត្រូវបានបង្ខំឱ្យធ្វើដូច្នេះ។
លោក Akihiro Kato បន្តទៀតថា៖«កាលវិភាគលីគមានសារៈសំខាន់បំផុត ដោយសារមានភាគីពាក់ព័ន្ធផ្សេងៗគ្នាជាច្រើន ហើយកាលវិភាគរបស់ពួកគេមានសារៈសំខាន់ខ្លាំងណាស់។ CPL តែងតែមានភាពធូររលុងជាមួយខ្លួន ហើយតែងតែទាមទារនូវតម្រូវការខ្ពស់ពីក្លិបនាៗ ហើយខ្ញុំមានអារម្មណ៍ថាវាអយុត្តិធម៌ណាស់ចំពោះ»។
បុរសជប៉ុនខាងលើបន្ថែម៖«ខ្ញុំស្រលាញ់ប្រទេសកម្ពុជា ហើយបានបណ្តាក់ទុនពេលវេលា និងថវិកាជាច្រើន ហើយខ្ញុំបាននាំមនុស្ស និងលុយពីប្រទេសជប៉ុន មកកម្ពុជា ប៉ុន្តែរាល់ពេលដែលមានរឿងបែបនេះកើតឡើង វាធ្វើឱ្យខ្ញុំខូចចិត្ត»៕
តារាងចំណាត់ថ្នាក់ CPL គិតត្រឹមសប្តាហ៍ទី៧៖
កម្មវិធីប្រកួតនៅ CPL៖