លីគបាល់ទះទាំងផ្នែកបុរស និងផ្នែកនារី របស់ប្រទេសកូរ៉េខាងត្បូង Korean V-League ឆ្នាំ២០២៣-២៤ នឹងដំណើរការពីចុងសប្ដាហ៍នេះតទៅហើយ ដោយមានសមាជិកចំនួន៧ផ្សេងគ្នាទាំងបុរសនិងនារី ស្របពេលដែលសមាជិកអាស៊ានចំនួន៧នាក់ ក្នុងចំណោមកូតាបរទេសក្នុងទ្វីបអាស៊ី ១៤នាក់ បានផ្ទេរទៅប្រកបអាជីពនៅទីនោះ។
បើតាមការបញ្ជាក់របស់សហព័ន្ធបាល់ទះកូរ៉េខាងត្បូង ថាកីឡាករកីឡាការិនីបរទេសសមាជិកអាស៊ីទាំង១៤នាក់នោះមាន៖
*ផ្នែកនារី
– ក្លិប GS Caltex Seoul KIXX កីឡាការិនី Iris Tolenada របស់ហ្វីលីពីន
– ក្លិប Hwaseong IBK Altos កីឡាការិនី Pornpun របស់ថៃ
– ក្លិប Daejeon CheongKwanJang Red Sparks កីឡាការិនី Megawati របស់ឥណ្ឌូណេស៊ី
– ក្លិប Gwangju AI Peppers កីឡាការិនី MJ Phillips របស់ហ្វីលីពីន
– ក្លិប Gimcheon Hi-pass កីឡាការិនី Thanacha របស់ថៃ
– ក្លិប Suwon Hyundai Hillstate កីឡាការិនី Wipawee របស់ថៃ
– ក្លិប Incheon Heungkuk Pink Spiders កីឡាការិនី Reina Tokoku របស់ជប៉ុន
*ផ្នែកបុរស
– ក្លិប Seoul Woori Card Wibee កីឡាករ Issei Otake របស់ជប៉ុន
– ក្លិប Suwon KEPCO Vixtormកីឡាករ Ryohei Iga របស់ជប៉ុន
– ក្លិប Cheonan Hyundai Skywalkersកីឡាករ Tsai Pei-chang របស់តៃវ៉ាន់
– ក្លិប Uijeongbu KB Insurance Starsកីឡាករ Liu Hung-min របស់តៃវ៉ាន់
– ក្លិប Ansan OKmanកីឡាករ Bayarsaikhan របស់ម៉ុងហ្គោលី
– ក្លិប Incheon Korean Air Jumbosកីឡាករ Marck Espejo របស់ហ្វីលីពីន
– ក្លិប Daejeon Samsung Bluefangsកីឡាករ Eddie របស់ម៉ុងហ្គោលី
ពានរង្វាន់លីគបាល់ទះកូរ៉េខាងត្បូង រៀបចំបាន២០រដូវកាលហើយ ខណៈរដូវកាលឆ្នាំ២០២៣-២៤ នេះគ្រោងរៀបចំពីថ្ងៃទី១៤ ខែតុលា ឆ្នាំ២០២៣ ដោយគ្រោងបញ្ចប់ទៅខែមេសា ឆ្នាំ២០២៤ ខាងមុខ។ ក្រុម៧ ទាំងផ្នែកបុរសនិងនារី ត្រូវប្រកួតចំនួន៦ជុំ ហើយក្រុមមានពិន្ទុច្រើនជាងគេ ត្រូវឈរចាំនៅវគ្គផ្ដាច់ព្រ័ត្រ ហើយក្រុមលេខ២និងលេខ៣ត្រូវប្រកួត Play Off។
សម្រាប់ផ្នែកលីគបុរស ក្រុម Incheon Korean Air Jumbos ឈ្នះជើងឯកបានច្រើនជាងគេរហូតដល់ទៅ៨លើក ម្នាក់ឯងខណៈផ្នែកលីគនារី ក្រុម Incheon Heungkuk Life Pink Spiders ឈ្នះជើងឯកបាន៤លើកម្នាក់ឯងច្រើនជាងក្រុមដទៃ៕
