ជើងខ្លាំងគុនខ្មែរ ឃឹម បូរ៉ា ឈ្នះឡាន១គ្រឿង ក្រោយផ្តួលគូប្រកួត អេលីត សាន់ ត្រឹមទឹកទី១ នាយប់ថ្ងៃទី១១ តុលា នៅក្នុងវិមានពហុកីឡដ្ឋានជាតិ។
មុនប៉ះគ្នានៅវគ្គផ្ដាច់ព្រ័ត្រជើងខ្លាំងទាំង៤រូប អេលីត, សាន់ ឈិត, សេរីវណ្ណថង, ឃឹម បូរ៉ានិងកីឡាករ ទូច ដេវីត ត្រូវបានអ្នកគាំទ្រគុនខ្មែរបោះឆ្នោះពេញចិត្តជ្រើសរើសឲ្យកីឡាករ ឃឹម បូរ៉ា ប៉ះជាមួយ អេលីត សាន់ នៅវគ្គផ្ដាច់ព្រ័ត្រដើម្បីដណ្ដើមឡាន។
រង្វាន់ឡាននេះ គឺជារង្វាន់ទី៣ ហើយដែលកីឡាករគុនខ្មែរ ទទួលបានក្នុងនោះឡានទី១ បានទៅលើក ព្រំ សំណាង ឡានទី២ បានទៅលើ ពេជ្រ សម្បត្តិ និងលើកនេះ បានទៅលើកជើងខ្លាំងគុនខ្មែរ ឃឹម បូរ៉ា។
គួរបញ្ជាក់ថា មុនប៉ះគ្នានៅវគ្គផ្ដាច់ព្រ័ត្រនេះ កីឡាករកម្ពុជា៤រូប អេលីត សាន់ ឈិត សេរីវណ្ណថង ឃឹម បូរ៉ា និង ទូច ដេវីត ត្រូវប្រកួតជាមួយបរទេសនៅវគ្គទី១ រៀងៗខ្លួនក្រោយពេលឈ្នះ គឺត្រូវរង់ចាំសារច្រើនជាងគេលេខ១ និងលេខ២ នឹងត្រូវឡើងទៅប្រកួតជាមួយគ្នានៅវគ្គទី២នេះ អ្នកឈ្នះបានឡាន១គ្រឿងភ្លាម៕