ប្រតិភូនិងអត្តពលិកកីឡាជនពិការកម្ពុជា បានចេញដំណើរទៅចូលរួមប្រកួត Asian Para Games លើកទី៤ នៅទីក្រុងហាន់ចូវ ប្រទេសចិន នៅព្រឹកថ្ងៃទី១៦ ខែតុលា ឆ្នាំ២០២៣នេះ។
ប្រតិភូនិងអត្តពលិកកីឡាជនពិការកម្ពុជា រួមមានប្រភេទកីឡា អត្តពលកម្ម ហែលទឹក វាយកូនឃ្លីលើតុ បាល់ទះអង្គុយ បាល់បោះជិះរទេះ និងកីឡាវាយសី។ ក្នុងចំណោម ៦ប្រភេទកីឡានេះ គឺមានកីឡាជាក្រុមចំនួន២ គឺក្រុមបាល់ទះអង្គុយ បុរស៨នាក់ និងកីឡាបាល់បោះជិះរទេះ នារី ១២នាក់ ចំណែកឯ ៤ប្រភេទកីឡាទៀត មានអត្តពលិកម្នាក់ៗដូចៗគ្នា។
ដោយឡែកសម្រាប់ ក្នុងព្រឹត្តិការណ៍ Asian Games លើកទី១៩ នៅទីក្រុង Hangzhou ប្រទេសចិន កម្ពុជា ណ្ដើមបានមេដាយសំរឹទ្ធ ១គ្រឿង ដោយក្រុមកីឡាការិនីការ៉ាតេ លើវិញ្ញាសាសម្ដែងមេគុននារីជាក្រុម។ នេះគឺជាមេដាយតែមួយ ដែលអត្តពលិកកម្ពុជា ដណ្ដើមបានក្នុងព្រឹត្តិការណ៍កីឡាអាស៊ីឆ្នាំនេះ។
សម្រាប់ព្រឹត្តិការណ៍ Asian Para Games លើកទី១៩ នៅទីក្រុង Hangzhou ប្រទេសចិន នឹងចាប់ផ្ដើមប្រកួតនៅថ្ងៃទី១៩ ដល់ថ្ងៃទី២៨ ខែតុលា ឆ្នាំ២០២៣ ខណ:ពិធីបើកជាផ្លូវការ នឹងធ្វើធ្វើឡើងថ្ងៃទី២២ ខែតុលា ឆ្នាំ២០២៣៕
រូបភាព៖ NOCC
