ក្រោយលោក Nawat Itsaragrisil បានចេញមកប្រកាសតាមរយៈ Live សំដៅដល់ក្រុមហ៊ុនដ៏ធំ «CP» ខណៈដែលលោកកំពុងតែស្ថិតក្នុងដំណាក់កាលរក្សាព្យាបាលជំងឺកូវីដ-១៩ នៅថ្ងៃទី២៧ ខែកក្កដា ឆ្នាំ២០២១ ម្សិលមិញនេះ ហ្វេសប៊ុកផេកផ្លូវការរបស់កម្មវិធី Miss Grand Thailand ដែលមានលោក Nawat កាន់តួនាទីធំជាអ្នកគ្រប់គ្រងវេទិការប្រកួតនេះបានចេញមកផុសសំណេរខ្លីតែមានអត្ថន័យគ្រប់គ្រាន់យ៉ាងដូច្នេះថា៖
«ចាប់តាំងពីពេលនេះតទៅ អង្គភាព Miss Grand សុំមិនគាំទ្រគ្រប់ផលិតផលរបស់ក្រុមហ៊ុន C.P. Group គ្រប់ៗប្រភេទទាំងអស់ដើម្បីសង្គមមួយដែលមិនយកប្រៀបគ្នា យើងត្រូវតែផ្លាស់ប្ដូរ និងហ៊ានចាប់ផ្ដើម អរគុណម្ចាស់រូបភាព។»
ក្រៅពីបរិយាយពីការមិនគាំទ្រផលិតផលហើយ ផុសខាងលើនេះថែមទាំង Hashtag ថា #វេទិកាលំដាប់ទីមួយរបស់ប្រទេស ដែលធ្វើឱ្យមហាជនចូលមកបញ្ចេញគំនិតនិងការយល់ឃើញយ៉ាងច្រើនផងដែរ៕
