ក្រោយឆ្លងកាត់ការប្រកួតវគ្គជម្រុះបឋម ទាំងពីរជើងកាលពីពេលកន្លងទៅ ក្រុមទាំង២០ បានប៉ះគ្នាយ៉ាងស្វិតស្វាញ ពេលនេះរកឃើញក្រុមចំនួន ១០ហើយដែលនឹងត្រូវឡើងទៅកាន់ជុំទី២ នៃពានរង្វាន់បាល់ទាត់ពិភពលោក FIFA World Cup 2026 ក្នុងនោះឃើញថា ក្រុមជម្រើសជាតិវៀតណាម ហ្វីលីពីន និង ឥណ្ឌូណេស៊ី នៅ ពូលជុំគ្នា។
នេះជាក្រុមទាំង១០ ដែលឡើងទៅជុំទី២ ក្នុងនោះមានដូចជា អាហ្វហ្គានីស្ថាន, មីយ៉ាន់ម៉ា, សិង្ហបុរី, ចិនតៃវ៉ាន់, ចិនហុងកុង, ឥណ្ឌូណេស៊ី, ប៉ាគីស្ថាន, នេប៉ាល់, យេម៉ែន និងបង់ក្លាដេស។
ខាងក្រោមនេះជាពូលទាំង៩
សូមបញ្ជាក់ដែរថា សម្រាប់វគ្គជម្រុះជុំទី២ នេះ ក្រុមដែលស្ថិតនៅក្នុងពូលនីមួយៗ នឹងត្រូវប្រកួតសន្សំពិន្ទុក្នុងពូលអ្នកឈរលេខ១និងលេខ២ មានឈ្មោះឡើងទៅជុំទី៣ បន្ត។
ដោយឡែកសម្រាប់វគ្គជម្រុះជុំទី៣ នេះសល់ក្រុមខ្លាំងចំនួន១៨ក្រុម ត្រូវចាប់ឆ្នោតបែងចែក៣ពូល ប្រកួតសន្សំពិន្ទុ ហើយក្រុមលេខ១និងលេខ២តាមពូល មានឈ្មោះ កក់សំបុត្រយន្តហោះទៅប្រកួត World Cup ឆ្នាំ២០២៦ ខណៈក្រុមលេខ៣និងលេខ៤ ត្រូវបន្តទៅប្រកួតជុំទី៤ ជាបន្ត។
វគ្គជម្រុះជុំទី៤ នេះសល់ក្រុម៦ ដោយចែកជា២ពូល បន្តប្រកួតសន្សំពិន្ទុ ហើយក្រុមឈរលេខ១ទាំង២ពូល មានឈ្មោះទៅប្រកួត World Cup ជាមួយ៦ក្រុមមុន។ ចំណែកក្រុមលេខ២ ក្នុងចំណោមពូលទាំង២ ត្រូវទៅប្រកួតនៅវគ្គទី៥ជាបន្ត។
វគ្គជម្រុះជុំទី៥ នេះ នៅសល់ក្រុមចំនួន២ដែលស្ថិតនៅវគ្គជម្រុះជុំទី៤ ត្រូវប្រកួតគ្នាចំនួន២ជើង រកអ្នកឈ្នះ ដើម្បីតំណាងអោយទ្វីបអាស៊ី ទៅប្រកួតជាមួយក្រុមមួយមកពីទ្វីបផ្សេង ស្វែងរកអ្នកខ្លាំងយកសិទ្ធិឡើងទៅប្រកួត World Cup 2026។
