កាលពីក្បាលព្រលប់ថ្ងៃទី២៨ ខែកក្កដា ឆ្នាំ២០២១ ម្សិលមិញនេះ អ្នកនាង ពេជ្រ សោភា តារាចម្រៀងដ៏ល្បីមួយរូបបានចេញមកផុសសំណេរមួយដែលធ្វើឱ្យអ្នកគាំទ្រភ្ញាក់សឹងតែប៉ះជើងព្រោះជាក់ស្ដែងអ្នកនាង និង តារាចម្រៀងរួមទ្រនំ លោក ឆន សុវណ្ណារាជ គឺជាដន្លងនឹងគ្នា។
សំណេរខ្លីតែមានន័យខ្លឹមដែលអ្នកនាង ពេជ្រ សោភា បានធ្វើការបង្ហោះនោះមិនមានអ្វីច្រើននោះទេ ប៉ុន្តែសំណេរនោះបានបញ្ជាក់ពីទំនាក់ទំនងស្និទ្ធិស្នាលរវាងអ្នកនាង និង លោក ឆន សុវណ្ណារាជ ព្រោះតែក្មួយប្រុសលោកឆន សុវណ្ណរាជ និង ក្មួយស្រីរបស់អ្នកនាង ពេជ្រ សោភា ស្រលាញ់គ្នា ហើយបានភ្ជាប់ពាក្យជាមួយនឹងគ្នារួចរាល់ ដូច្នេះក្មួយប្រុសស្រីរបស់តារាល្បីទាំងពីរជាគូដណ្ដឹង ដែលរាប់ទៅបានសេចក្ដីថាអ្នកនាង ពេជ្រ សោភា និង លោក ឆន សុវណ្ណារាជ ត្រូវជាប់ជាដន្លងនឹងគ្នា។
ម្ចាស់បទចម្រៀង «ឈប់ដេញដោល» បានសរសេរនៅលើហ្វេសប៊ុកហ្វេនផេក ដែលមានឈ្មោះថា ពេជ្រ សោភា ជាភាសាអង់គ្លេសយ៉ាងដូច្នេះថា៖ «ចង់ប្រាប់ថា ខាងក្មួយពូរាជនឹងក្មួយចែភាគូរដណ្តឹងនឹងគ្នា ចាស់ទុំដឹងលឺណាអ្នកអើយ ក្មួយស្រលាញ់ក្មួយ
ខាងប្រុសក្មួយពូរាជ ខាងស្រីក្មួយចែភា(ចុះយើងវិញ)?»
ក្រោយតារាល្បីរូបនេះបង្ហោះ លោក ឆន សុវណ្ណរាជក៏បានចូលខមមិនខាងក្រោមផុសនោះថា «អត់បែកទ្រព្យ» ដែលខមមិននេះត្រូវបានអ្នកនាង ពេជ្រ សោភា ឆ្លើយតបថា «ហាសសសសមែននឹង»។
យ៉ាងណាមិញដំណឹងដ៏រីករាយខាងលើនេះក្រៅពីអ្នកគាំទ្រ និងមហាជនចូលមកអបអរសាទរហើយនោះក៏មានអ្នកដែលធ្លាប់ចាប់គូលោក ឆន សុវណ្ណរាជ និង អ្នកនាង ពេជ្រ សោភា ដែលមិនទាន់អស់ចិត្តចូលមកខមមិនពន្យុះឱ្យតារាមចម្រៀងល្បីទាំងពីរដួងនេះឱ្យស្រលាញ់គ្នាលក្ខណៈក្មួយស្រលាញ់ក្មួយ ពូមីងស្រលាញ់គ្នា ទាំងដែលបានដឹងថាអ្នកនាង ពេជ្រ សោភា មានម្ចាស់បេះដូងដែលតែងតែបង្ហាញភាពផ្អែមល្ហែមជាមួយគ្នាជាញឹកញាប់ទាំងខាងក្រៅទាំងនៅលើបណ្ដាញសង្គម គឺតារាសម្ដែងរូបសង្ហាខ្ពស់ស្រឡោះ លោក ឆឹម សក្កដា៕
