ស្ថានភាពរីករាលដាលនៃជំងឺកូវីដ-១៩ នៅក្នុងប្រទេសកូរ៉េត្រលប់មកអាក្រក់ឡើងវិញ ថែមនៅរកឃើញការឆ្លងវីរុសបំផ្លែងថ្មី Delta រាតត្បាតនៅក្នុងប្រទេសនេះផងដែរ ក្នុងនេះក៏មានតារាល្បីៗ Big Name របស់កូរ៉េ ជាច្រើនរូបបានឆ្លងជំងឺកូវីដ-១៩ ក្នុងអំឡុងខែមេសារហូតដល់ខែកក្កដានេះ។
១. Lee Chang Wook
តារាសម្ដែងឯកល្បីរបស់កូរ៉េដែលកំពុងតែដំណើរការថតភាពយន្តរឿងថ្មីរបស់ខ្លួនសម្រាប់ Netflix រឿង «The Sound of Magic» ពិនិត្យឃើញឆ្លងជំងឺកូវីដ-១៩ ដោយផលិតកម្មដែលមើលការខុសត្រូវលើលោកបានចេញមកប្រកាសនៅថ្ងៃទី២៦ខែកក្កដា ឆ្នាំ២០២១ កន្លងមក ខណៈនេះរឿងដែលលោកសម្ដែងត្រូវផ្អាកបណ្ដោះអាសន្ន ហើយតារាសម្ដែងក្នុងរឿងបានទៅពិនិត្យរកជំងឺកូវីដ-១៩ រួចរាល់ហើយ ចំណែក Lee Chang Wook កំពុងព្យាបាល
២. Do Young – Jong Wan ក្រុម Treasure
ចំណែកបុរសសង្ហាតារាចម្រៀងប្រចាំក្រុម Treasure ពីផលិតកម្ម YG ឯណោះវិញក៏រកឃើញសមាជិកចំនួនពីររូបបានឆ្លងជំងឺកូវីដ-១៩ដែរ ដោយអ្នកទីមួយគឺ Do Young ដែលបានរកឃើញឆ្លងនៅថ្ងៃទី១៣ ខែកក្កដា ធ្វើឱ្យសមាជិកនិងក្រុមការងារទាំងអស់ត្រូវប្រញាប់ទៅពិនិត្យតែលទ្ធផលចេញមកអវិជ្ជមាន ហើយត្រូវបន្តធ្វើចត្តាឡីស័ក រហូតមកដល់ថ្ងៃទី១៦ សមាជិកមួយរូបទៀតគឺ So Jong hwan សមាជិកវ័យក្មេងជាងគេក្នុងក្រុមក៏បានត្រួតពិនិត្យរកឃើញថាមានឆ្លងជំងឺកូវីដ-១៩។
៣. Min Hyuk សមាជិក BtoB
សមាជិកក្រុម BTOB បានរកឃើញថាឆ្លងជំងឺកូវីដ-១៩ កាលពីថ្ងៃទី១៧ ខែកក្កដា ឆ្នាំ២០២១ ក្រោយគ្រូបង្វឹកច្រៀងឆ្លងជំងឺកូវីដ
៤. San ក្រុម ATEEZ
រកឃើញថាបានឆ្លងជំងឺកូវីដ-១៩ កាលពីថ្ងៃទី៩ ខែកក្កដា ឆ្នាំ២០២១ ករណីរបស់ San ជាករណីពិសេសការឆ្លងជំងឺបែបមិនបង្ហាញអាការៈជំងឺ។
៥. Sung gyu សមាជិកក្រុម INFINTE
ផលិតកម្មក្ដោបក្ដាប់លើតារាចម្រៀង Song Kyu បានចេញមកប្រកាសកាលពីថ្ងៃទី២៧ មិថុនា ឆ្នាំ២០២១ ថាតារាចម្រៀងរូបនេះបានឆ្លងជំងឺកូវីដ-១៩ តែជាការឆ្លងបែបមិនបង្ហាញអាការៈអ្វីទាំងអស់ ដោយពេលដែលឆ្លងនោះ Song Kyu បានចាក់វ៉ាក់សាំងរួចរាល់អស់ហើយ។
៦. Hani សមាជិក EXID
ខណៈកំពុងថតភាពយន្តភាគជាស៊េរី IDOL ក៏បានរកឃើញថាបានឆ្លងជំងឺកូវីដ-១៩ ដែរកាលពីថ្ងៃទី២០ ខែកក្កដា ឆ្នាំ២០២១ កន្លងទៅថ្មីៗនេះ ធ្វើឱ្យក្រុមការងារផលិតត្រូវព្យួរការថតមួយរយៈសិន។
៧. Kim Min Kwi
ត្រលប់ថយក្រោយទៅដល់ថ្ងៃទី២២ ខែឧសភា តារាសម្ដែង Kim Min Kwi បានទៅពិនិត្យរកជំងឺកូវីដ-១៩ ហើយរកឃើញថាវិជ្ជមានកូវីដ-១៩ ពេលនេះបានព្យាបាលជាសះស្បើយហើយ។
៨. Kim Kang Min
កាលពីថ្ងៃទី២១ ខែកក្កដា ឆ្នាំ២០២១ តារាសម្ដែងជំនាន់ថ្មីមួយរូបទៀតដែល ល្បីល្បាញតាមរយៈភាពយន្តភាគជាស៊េរី My Roommate is a Gumiho ក៏បានធ្វើតេស្តរកឃើញថាបានឆ្លងជំងឺកូវីដ-១៩ ដូចគ្នា ហើយនៅពេលនេះគេបានចូលសំរាកព្យាបាលនៅមន្ទីរពេទ្យហើយ។
៩. Shin Song Rok
តារាសម្ដែង Shin Song Rok តារាសម្ដែងក្នុងរឿង «Vagabond» កាលពីថ្ងៃទី២៨ ខែមេសា ឆ្នាំ២០២១ ផលិតកម្មគ្រប់គ្រងលើតារារូបនេះ បានប្រកាសថាលោកមានវិជ្ជមានកូវីដ-១៩ បន្ទាប់ពីពិនិត្យលើកទីពីរ ព្រោះកាលពីលើកទីមួយលទ្ធផលអវិជ្ជមាន។
ទស្សនាវីដេអូព័ត៌មានតារាកូរ៉េកើតជំងឺកូវីដ-១៩ ខាងក្រោមនេះ៖