ឈើតុំ ពោធិ៍សាត់ បានត្រឹមស្មើ សន្តិភាពកំពង់ធំ ខណៈ បន្ទាយមានជ័យ យកឈ្នះដំរីឦសាន រតនគិរី ប្រកួតវគ្គ ៨ក្រុមចុងក្រោយ ជើងទី១ ពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣ (ថ្នាក់ខេត្ត) នៅថ្ងៃទីទី៣១ ខែតុលា ឆ្នាំ២០២៣នេះ។
លទ្ធផលប្រកួតជើងទី១ ថ្ងៃទី៣១ តុលា មានដូចខាងក្រោម៖
- ក្លិបបាល់ទាត់ ឈើតុំពោធិ៍សាត់ ១-១ ក្លិបបាល់ទាត់ សន្តិភាព ខេត្តកមពង់ធំ ទីលានក្លិបបាល់ទាត់ ឈើតុំពោធិ៍សាត់
- អធិរាជដំរីឦសាន ខេត្តរតនគិរី ១-៣ ខេត្តបន្ទាប់មានជ័យ ទីលានមណ្ឌលកីឡា ខេត្តព្រះវិហារ
សម្រាប់លទ្ធផលមួយគូ កាលពីថ្ងៃទី២៥ ខែតុលា ក្រុមភ្នំពេញហ្គាឡាក់ស៊ី បានយកឈ្នះក្រុមអយក ខេត្តកំពង់ចាម ១-០ ប្រកួតជើងទី១ វគ្គ៨ក្រុមចុងក្រោយ នៅទីលានវិទ្យាល័យព្រះសីហនុ ស្ថិតក្នុងខេត្តកំពង់ចាម។
កម្មវិធីប្រកួតវគ្គ វគ្គ៨ក្រុមចុងក្រោយ មានដូចខាងក្រោម៖
ការប្រកួតវគ្គ ៨ក្រុមចុងក្រោយ នឹងប្រកួតចំនួនពីរជើង ដោយការប្រកួតជើងទី១ នឹងប្រកួតនៅថ្ងៃទី២៥ ខែតុលា ដល់ថ្ងៃទី១ ខែវិច្ចិការ ឆ្នាំ២០២៣ ខណៈជើងទី២ នឹងប្រកួតនៅថ្ងៃទី១ ដល់ថ្ងៃទី១០ ខែវិច្ចិការ ឆ្នាំ២០២៣។
ពានរង្វាន់សម្តេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ក ឆ្នាំ២០២៣-២០២៤ មាន ២០ក្រុមចូលរួមប្រកួតតំណាងរាជធានីខេត្ត បែងចែកជា៤ពូល ក្នុង១ពូលមាន ៥ក្រុមបានចាប់ផ្តើមការប្រកួតនៅថ្ងៃទី២៨ ខែមិនា ឆ្នាំ២០២៣ គ្រោងនឹងបញ្ចប់នៅថ្ងៃទី៧ ខែតុលា ឆ្នាំ២០២៣៕
